Visto o expediente para o outorgamento de autorización administrativa e a aprobación do proxecto de execución da instalación eléctrica que a seguir se cita:
Solicitante: BEGASA.
Domicilio social: r/ Cidade de Viveiro, 4-1º, 27002 Lugo.
Denominación: soterramento L.M.T. en parque empresarial de Ourol.
Situación: concello de Ourol.
Características técnicas:
-Reforma da L.M.T.A. existente por afección ás obras de urbanización do parque empresarial de Ourol, consistente na desmontaxe de 130 metros de condutor aéreo tipo LA-56 e na instalación dun apoio metálico de celosía.
-L.M.T.S. a 20 kV con orixe e final nas conversións aéreo a subterráneas que se instalarán nos apoios metálicos, cunha lonxitude de 186 metros en condutor R.H.Z.1-240 mm.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, este departamento territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realizaciíon das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 9 de xuño de 2010.
José Manuel Vázquez Leirado
Xefe territorial de Lugo