Por medio desta cédula notifícanselles aos denunciados, cos datos e último enderezo coñecido que se sinalan no anexo, as resolucións sancionadoras ditadas polo xefe territorial da Consellería de Medio Ambiente, Terrritorio e Infraestruturas, facultado polo Decreto 70/1993, do 10 de marzo (DOG do 26 de marzo), ditadas nos expedientes sancionadores que se citan no anexo.

Fáiselles saber que as ditas resolucións non esgotan a vía administrativa, podendo interpoñer recurso de alzada ante o director xeral de Mobilidade dentro do prazo dun mes, contando desde o día seguinte ao da publicación desta cédula. Transcorridos tres meses desde a interposición do recurso sen que se notifique a súa resolución, entenderase desestimado e quedará expedita a vía procedente.

En caso de conformidade con estas resolucións deberán facer efectiva a multa, no prazo de 15 días hábiles, mediante ingreso que debe efectuar en calquera oficina do BBVA, transacción 1316, NIF S1511001H, clave 390002 e, de non facelo así, procederase ao seu cobramento pola vía de constrinximento.

Para que conste e lles sirva de notificación aos citados denunciados, en cumprimento do disposto no artigo 59.5º da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, expido, asino e selo esta cédula en Pontevedra, 25 de maio de 2010.

José Jorge Martínez Fernández

Xefe do Servizo de Mobilidade de Pontevedra

Ver referencia pdf "12600D052P101.PDF"