A Lei orgánica de saúde sexual reprodutiva e de interrupción voluntaria do embarazo establece que, con carácter excepcional, se poderá interromper o embarazo por causas médicas cando se detectan anomalías fetais incompatibles coa vida e así conste nun ditame emitido con anterioridade por un facultativo especialista, distinto do que practique a intervención, ou cando se detecta no feto unha enfermidade extremadamente grave ou incurable no momento do diagnóstico e así o confirme un comité clínico formado por un equipo pluridisciplinar no que se integran dous médicos especialistas en xinecoloxía ou obstetricia ou expertos en diagnóstico prenatal e pediatría.
De conformidade co establecido no artigo 16 da Lei orgánica 2/2010, en cada comunidade autónoma haberá candomenos un comité clínico nun centro da rede sanitaria pública.
A designación será realizada polas autoridades sanitarias e deberá facerse pública no diario oficial da comunidade autónoma, para un período non inferior a un ano.
Polo que en virtude das competencias que se establecen no artigo 34 da Lei da Xunta e da súa Presidencia,
resolvo:
Primeiro.-Nomear como membros titulares do comité clínico as seguintes persoas:
Carlos López Ramón y Cajal, facultativo especialista en xinecoloxía e obstetricia.
Ofelia Martínez Martínez, facultativa especialista en xinecoloxía e obstetricia.
María José Fernández Seara, facultativa especialista en pediatría.
Segundo.-Nomear como membros suplentes do comité clínico as seguintes persoas:
María Ruth Aguiar Couto, facultativo especialista en xinecoloxía e obstetricia.
María Guadalupe Alfonsín Somoza, facultativo especialista en xinecoloxía e obstetricia.
Arturo Fuentes Varela, facultativo especialista en pediatría.
Terceiro.-Establecer o prazo de actuación do comité clínico nun ano.
Santiago de Compostela, 2 de xullo de 2010.
María del Pilar Farjas Abadía
Conselleira de Sanidade