O artigo 11.1º da Lei 4/2006, do 30 de xuño, de transparencia e boas prácticas na Administración pública galega, impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único.-Dar publicidade á relación dos convenios subscritos polo Instituto Galego de Seguridade e Saúde Laboral nos meses de xaneiro, febreiro, marzo e abril do ano 2010, que se incorpora como anexo a esta resolución.
Santiago de Compostela, 10 de xuño de 2010.
Adela Quinzá-Torroja García
Directora do Instituto Galego de Seguridade
e Saúde Laboral
ANEXO
Convenio: acordo marco de cooperación entre o Instituto Galego de Seguridade e Saúde Laboral (ISSGA) e Gas Natural Fenosa en materia de formación de risco eléctrico.
Obxecto: establecer un marco global de cooperación entre o ISSGA e Gas Natural Fenosa para realizar actividades e proxectos no ámbito da formación e información, en especial sobre risco eléctrico, e regular a ordenación de cantas accións se vaian producindo no desenvolvemento daquelas.
Importe achegado polo ISSGA: 0,00 .
Data da sinatura: 27-4-2010.