Con data do 19 de maio de 2010, a xefa territorial da Consellería de Sanidade ditou acordo de inicio do expediente sancionador 2010101SEA incoado no Departamento Territorial da Consellería de Sanidade da Coruña a Fernando Pérez Mancebo.

Intentada a notificación deste acordo segundo o disposto no artigo 59.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e ao non ser posible a súa práctica, por medio desta cédula e ao abeiro do disposto no número 5º do devandito artigo, notifícaselle a Fernando Pérez Mancebo o contido do dito acordo de inicio que figura como anexo para que poida ter coñecemento del.

Así mesmo, fáiselle saber o dereito que o asiste ao abeiro do disposto no número 1 do artigo 16 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante o departamento territorial no prazo de 15 días hábiles, contados desde o seguinte ao da publicación desta cédula, lembrándolle o seu dereito a consultar o expediente, depositado nas dependencias do departamento sito na rúa Gregorio Hernández, 2-4, A Coruña, e a obter, se é o caso, copia do expediente, segundo o previsto na letra a) do artigo 35 da Lei 30/1992, do 26 de novembro.

Advírteselle que no caso de non efectuar alegacións sobre o contido do dito acordo no citado prazo, o acordo de inicio considerarase proposta de resolución cando conteña un pronunciamento preciso acerca da responsabilidade imputada, cos efectos previstos nos artigos 18 e 19 do Real decreto 1398/1993.

Esta cédula expídese para que conste e lle sirva de notificación ao interesado, en cumprimento do disposto no artigo 59.5º da Lei 30/1992, do 26 de novembro.

A Coruña, 26 de maio de 2010.

Emma Rego Valcarce

Xefa territorial da Coruña

ANEXO

Nº expediente: 2010101SEA.

Interesado: Fernando Pérez Mancebo.

DNI/NIF/CIF: 32753810.

Derradeiro enderezo coñecido: Uxes, 146, 15742 Arteixo.

Feito imputado: infracción da lexislación aplicable en materia sanitaria.

Artigos infrinxidos: artigo 35 a) da Lei 14/86, do 25 de abril, xeral de sanidade e 41 da Lei 8/2008, do 10 de xullo, de saúde de Galicia.

Artigos 2.1º.1; 2.2º do Real decreto 1945/83, do 22 de xuño, sobre infraccións e sancións en materia de defensa do consumidor e da produción agroalimentaria.

Regulamento (CE) 852/2004, do 29 de abril, do Parlamento Europeo e do Consello, sobre a hixiene de produtos alimenticios, artigo 5, anexo II, capítulo I.1) 2, capítulo II.1; capítulo VIII.1 e capítulo IX.4. Real decreto 1137/1984, do 28 de marzo, sobre a regulamentación técnico-sanitaria para a fabricación, circulación e comercio de pan e pans especiais, artigos 8.1º, 8) 11º e 9.1º.

Tipificación provisional: leve.

Sanción proposta: 600 €. Seiscentos euros.