En sesión realizada o día 16 de xuño de 2010, o tribunal nomeado pola Orde do 7 de setembro de 2009 para cualificar o proceso selectivo para o ingreso no corpo de grao medio da Xunta de Galicia, subgrupo A2, escala de arquitectos técnicos, convocado pola orde da Consellería de Presidencia, Administracións Públicas e Xustiza do 21 de novembro de 2008 (DOG nº 234, do 2 de decembro),

ACORDOU:

Primeiro.-Determinar a relación de aspirantes que superaron o proceso selectivo, coa cualificación do concurso-oposición recollido no anexo a esta resolución, por orde de puntuacións obtidas e con indicación do seu documento nacional de identidade.

Segundo.-De acordo co establecido na base IV.2 da orde da Consellería de Presidencia, Administracións Públicas e Xustiza do 21 de novembro de 2008 (DOG nº 234, do 2 de decembro), facer público, no Diario Oficial de Galicia, no taboleiro de anuncios do Servizo de Información e Atención á Cidadanía da Consellería de Presidencia, Administracións Pública e Xustiza, e na páxina web da Xunta de Galicia (www.xunta.es) a relación de aspirantes que superaron o proceso selectivo, coa cualificación do concurso-oposición recollido no anexo a esta resolución, por orde de puntuacións obtidas e con indicación do seu documento nacional de identidade.

De acordo coa dita base IV.2, os aspirantes dispoñen dun prazo de 20 días naturais, contados a partir do día seguinte ao da publicación no Diario Oficial de Galicia desta relación de aspirantes que superaron o proceso selectivo, para presentar a documentación prevista nas letras A), B) e C) da citada base.

Terceiro.-Elevar a devandita relación de aspirantes que superaron o proceso selectivo ao titular da Dirección Xeral da Función Pública para os efectos de que os aspirantes que figuran nela sexan propostos para o seu nomeamento como funcionarios de carreira.

Contra esta resolución os interesados poderán interpoñer recurso de alzada ante a conselleira de Facenda, no prazo dun mes, contado desde o día seguinte ao da publicación desta resolución no Diario Oficial de Galicia, conforme o disposto nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 16 de xuño de 2010.

Guillermo Ramón Evia Pérez

Presidente do tribunal

Ver referencia pdf "11800D016P075.PDF"