En sesión que tivo lugar o día 14 de xuño de 2010, o tribunal nomeado pola orde da Consellería de Facenda do 1 de setembro de 2009, para cualificar o proceso selectivo para o ingreso no corpo auxiliar da Xunta de Galicia, subgrupo C2, convocado pola Orde do 4 de xullo de 2008 (DOG nº 130, do 7 de xullo) e de conformidade co establecido na dita orde,
ACORDOU:
Primeiro.-Facer pública, de acordo coa base IV.2 da convocatoria, como anexo a esta resolución, a relación de aspirantes que superaron o proceso selectivo, por orde de puntuacións obtidas e con indicación do seu documento nacional de identidade.
De acordo coa dita base, os aspirantes dispoñen dun prazo de vinte días naturais, contados a partir do día seguinte ao da publicación no Diario Oficial de Galicia desta resolución, para presentar a documentación prevista nas súas letras a), b), c) e d).
Segundo.-Elevar a devandita relación á titular da Dirección Xeral de Función Pública para que elabore a proposta de nomeamento como funcionarios de carreira.
Terceiro.-Contra esta resolución os interesados poderán interpoñer recurso de alzada ante a conselleira de Facenda no prazo dun mes contado desde o día seguinte ao da publicación desta resolución no Diario Oficial de Galicia, conforme o disposto no artigo 114 da Lei de réxime xurídico das administracións públicas e do procedemento administrativo común.
Santiago de Compostela, 14 de xuño de 2010.
Elena Barca Ramos
Presidenta do tribunal
Ver referencia pdf "11800D016P075.PDF"