A Orde do 22 de decembro de 2009 (DOG do 29 de decembro de 2009) pola que se establecen as bases e se convocan para 2010 axudas a empresas para a promoción e mellora da comercialización dos produtos agrarios e agroalimentarios galegos, sinala no seu artigo 15, relativo ao financiamento das axudas, a partida orzamentaria e o importe destinado a financiar as axudas. Este artigo establece, así mesmo, a posibilidade de incrementar a dotación orzamentaria conforme o establecido no artigo 30º do Decreto 11/2009, do 8 de xaneiro, que aproba o regulamento da Lei 9/2007, de subvencións de Galicia.
En consecuencia, de acordo co disposto no artigo 30.I.3º do Estatuto de autonomía de Galicia, e en uso das facultades que me confire a Lei 9/2007, do 13 de xuño, de subvencións de Galicia,
DISPOÑO:
Artigo único.
Primeiro.-Amplíase a dotación orzamentaria que se establece na Orde do 22 de decembro de 2009 pola que se establecen as bases e se convocan para 2010 axudas a empresas para a promoción e mellora da comercialización dos produtos agrarios e agroalimentarios galegos.
Segundo.-O incremento da dotación será de 121.621 euros para o exercicio 2010 con cargo á aplicación orzamentaria 13.04.713D.770.0 dos orzamentos da Comunidade Autónoma de Galicia para o ano 2010.
Terceiro.-Esta modificación non afecta o prazo que se establece para a presentación de solicitudes de axuda na dita Orde do 22 de decembro de 2009.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 17 de xuño de 2010.
Samuel Jesús Juárez Casado
Conselleiro do Medio Rural