O Decreto 24/2008, do 21 de febreiro, regula os órganos estatísticos sectoriais da Administración da Comunidade Autónoma de Galicia e o procedemento para a súa designación. No punto 1º do seu artigo 2 establece que este órgano está integrado por unha ou varias unidades administrativas que se designarán por resolución da persoa titular do departamento en que se integra organicamente.

De conformidade co establecido nos artigos 1, 2, 3 e 7 do Decreto 24/2008, do 21 de febreiro,

DISPOÑO:

Primeiro.-Designar o órgano estatístico sectorial da Consellería de Sanidade, que se integrará pola unidade administrativa que se especifica a seguir:

a) Posto de traballo: Vicesecretaría Xeral, dependente da Secretaría Xeral.

b) Coordinador ou coordinadora: o funcionario ou a funcionaria titular do posto de traballo que se designa.

c) Localización física: dependencias da Secretaría Xeral, edificio administrativo de San Lázaro, Santiago de Compostela.

Segundo.-Para os efectos do rexistro a que se refire o artigo 3 do Decreto 24/2008, do 21 de febreiro, a Secretaría Xeral comunicará ao Instituto Galego de Estatística os datos relativos á identidade da persoa que, en cada momento, ocupe o posto de traballo que se identifica no punto primeiro, que se nomeará seguindo os procedementos de previsión establecidos na normativa vixente en materia de función pública.

Santiago de Compostela, 7 de xuño de 2010.

María del Pilar Farjas Abadía

Conselleira de Sanidade