Lonza Biologics Porriño, S.L., solicitou da Alcaldía licenza municipal de obra e actividade para a apertura dun establecemento dedicado á fabricación de produtos farmacéuticos de base, que se situará no polígono de Torneiros, A Relva, s/n, desta localidade. En cumprimento do disposto no artigo 86 da Lei de réxime xurídico das administracións públicas e do procedemento administrativo común, sométese a información pública por un período de vinte días hábiles co fin de que durante este -que empezará a contarse desde o día seguinte ao da inserción no Diario Oficial de Galicia e no BOP de Pontevedra- poidan examinar o expediente AM/02/10, na Sección de Urbanismo deste concello, as persoas que dalgún modo se consideren afectadas pola actividade que se pretende instalar e formular por escrito as reclamacións ou observacións que se xulguen oportunas.

O Porriño, 7 de xuño de 2010.

José Nelson Santos Argibay

Alcalde