Solicitada por José Manuel Carro Mosquera, en representación de SAT Casas Novas, licenza para ampliación de explotación de vacún mediante a construción de corte e silos no lugar de Fontorto, parroquia de Boado, no termo municipal de Mesía.
En cumprimento do disposto no artigo 8.3º do Decreto 133/2008, do 12 de xuño, polo que se regula a avaliación de incidencia ambiental, sométese o expediente a información pública por un prazo de vinte días mediante anuncio no BOP, DOG e no taboleiro de anuncios deste concello, para que quen se considere afectado dalgún xeito pola actividade que se pretende establecer poida alegar o que considere oportuno. O prazo de exposición pública considerarase aberto desde o día seguinte ao da publicación do primeiro anuncio e rematará transcorridos vinte días desde o día seguinte ao da publicación do último anuncio.
O expediente estará á disposición do público na Secretaría do concello, durante as horas de oficina.
Mesía, 24 de maio de 2010.
Mariano Iglesias Castro
Alcalde