Faise público que José Ramón Pereira Alvite solicitou licenza para desenvolver a actividade de execución de dous anexos á explotación agrícola consistentes en muro de hormigón para silo e galpón para parideiras nas Espigas-Alborés, comprendida no ámbito de aplicación comprendido no Decreto 133/2008, do 12 de xuño de 2008, polo que se regula a avaliación de incidencia ambiental.

Presentada a solicitude e documentación anexa requirida pola normativa e para os efectos de cumprir o desposto no artigo 8.3º do Decreto 133/2008, o expediente de referencia exponse ao público por un período de vinte días mediante anuncio no Diario Oficial de Galicia e no BOP correspondente e exposición no taboleiro de anuncios do concello.

Deste xeito todos os interesados ou afectados pola actividade obxecto deste expediente poden consultalo nas dependencias municipais e efectuar as alegacións ou observacións que estimen pertinentes.

Mazaricos, 20 de maio de 2010.

José M. Santos Maneiro

Alcalde