En virtude das facultades que me confire o artigo 21.1º h), da Lei 7/1985, do 2 de abril, reguladora das bases de réxime local, así como as bases da convocatoria para a cobertura mediante o sistema de concurso na quenda de promoción interna da praza de persoal laboral fixo denominada capataz/encargado, publicada no BOP nº 9, do 15 de xaneiro de 2010.

Vista a acta da comisión de valoración celebrada o 26 de abril de 2010 que por unanimidade propón a José Antonio Trillo Costa, con DNI 76364356-D, como candidato para a cobertura da praza de persoal laboral fixo denominada encargado/capataz.

RESOLVO:

Primeiro.-Nomear a José Antonio Trillo Costa, con DNI 76364356-D, persoal laboral fixo para cubrir a praza de encargado/capataz.

Segundo.-Conforme o establecido na base sétima reguladora do procedemento, o prazo máximo para a sinatura do contrato/toma de posesión da nova praza será de cinco días naturais se non implica cambio de residencia. O devandito prazo empezará a contarse a partir do día seguinte ao do cesamento na praza de orixe, cesamento que deberá producirse dentro dos cinco días naturais seguintes á publicación da resolución do concurso no Diario Oficial de Galicia.

Terceiro.-Que se dea traslado desta resolución ao interesado.

Cuarta.-Que se publique esta resolución no BOP, no Diario Oficial de Galicia, no taboleiro de anuncios da casa do concello, e que se dea conta ao pleno na primeira sesión que realice.

Mándao e asínao o alcalde, ante a miña secretaria, para os únicos efectos de dar fe pública e recoñecemento de sinatura.

Cee, 14 de maio de 2010.

Ramón Vigo Sambade

Alcalde

Rocío Hermida Cancela

Secretaria