No Xulgado do Contencioso-Administrativo número dous de Santiago de Compostela tramítase o recurso 242/2010 (procedemento abreviado), interposto por Julia Balea Medrano contra a resolución da Dirección de Recursos Humanos do Servizo Galego de Saúde pola que se desestima o recurso de alzada interposto contra a listaxe de puntuacións provisionais da fase de oposición do proceso selectivo convocado por Resolución do 18 de febreiro de 2009 da Secretaría Xeral do Servizo Galego de Saúde para o ingreso en diversas categorías de persoal estatutario, entre as que figura a de celador/a.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 25 de maio de 2010.
Esperanza Fernández Lago
Directora de Recursos Humanos