Convocada por Orde do 29 de abril de 2010 (DOG nº 90, do 13 de maio) a provisión, polo sistema de libre designación, de dous postos de traballo vacantes na Consellería de Economía e Industria, esta consellería, no uso das facultades e atribucións conferidas no artigo 17.4º do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e de conformidade co disposto no seu artigo 29.2º,

DISPÓN:

Primeiro.-Resolver a convocatoria para a provisión, polo sistema de libre designación, de dous postos de traballo vacantes na Consellería de Economía e Industria, anunciada pola Orde do 29 de abril de 2010 (DOG nº 90, do 13 de maio).

Segundo.-Adxudicarlles destino, nos postos de traballo que se indican, aos/ás funcionarios/as que se relacionan no anexo a esta orde.

Terceiro.-O cesamento no actual destino dos/as funcionarios/as que obtiveron a praza producirase no prazo de tres días contados a partir do seguinte ao da publicación desta orde no Diario Oficial de Galicia.

A toma de posesión da praza adxudicada deberá realizarse no prazo dos tres días seguintes ao do cesamento, se se trata da mesma localidade en que prestan os seus servizos os/as funcionarios/as, ou no prazo dun mes se se trata de distinta localidade, conforme o establecido no artigo 14 do Decreto 93/1991, do 20 de marzo.

Cuarto.-O centro onde causen alta os/as funcionarios/as, realizará a dilixencia de toma de posesión dentro dos prazos reflectidos no punto anterior.

Quinto.-Contra esta orde, que pon fin á vía administrativa, as persoas interesadas poderán interpoñer recurso potestativo de reposición ante esta consellería no prazo dun mes, contado a partir do día seguinte ao da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou poderán interpoñer recurso contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ao da súa publicación, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 9 de xuño de 2010.

Javier Guerra Fernández

Conselleiro de Economía e Industria

ANEXO

Apelidos e nome: Ledo Moure, Lourdes.

NRP: 7671793502 A2060.

Subgrupo: A1.

Denominación do posto: xefe/a Servizo Técnico Xurídico.

Código do posto: IN.C02.00.000.15770.107.

Nivel: 28.

Dependencia: Secretaría Xeral.

Localidade: Santiago de Compostela.

Apelidos e nome: Valdés Álvarez, Pablo.

NRP: 3499043546 A205H.

Subgrupo: A2.

Denominación do posto: xefe/a do Servizo de Informática.

Código do posto: IN.C02.00.000.15770.130.

Nivel: 28.

Dependencia: Secretaría Xeral.

Localidade: Santiago de Compostela.