A Consellería do Mar recibe, da sección segunda da Sala do Contencioso-Administrativo do Tribunal Superior de Xustiza de Galicia, providencias polas que se admiten a trámite os recursos contencioso-administrativos que se indican a continuación, contra a denegación por silencio administrativo das solicitudes de cambio de cultivo e cambio de localización nos viveiros sinalados:
Ver referencia pdf "11600D054P065.PDF"
En consecuencia, esta consellería acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión dos expedientes administrativos á referida sala, o que se lles notifica para xeral coñecemento a todas as persoas interesadas nos procedementos, que son emprazadas para que poidan comparecer como parte en autos na sección segunda da sala do contencioso-administrativo do Tribunal Superior de Xustiza de Galicia, no prazo de nove días.
Santiago de Compostela, 1 de xuño de 2010.
Rosa María Quintana Carballo
Conselleira do Mar