De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE 285, do 27 de novembro), modificada pola Lei 4/1999, do 13 de xaneiro, (BOE 12, do 14 de xaneiro), notifícaselle á persoa que se cita a continuación, o acordo de incoación ditado pola Xefatura Territorial de Pontevedra da Consellería de Cultura e Turismo, do expediente sancionador en materia de turismo PO-S-3/2010 por infracción da Lei 14/2008, do 3 de decembro, de turismo de Galicia, modificada pola Lei 1/2010, do 11 de febreiro, de modificación de diversas leis de Galicia para a súa adaptación á Directiva 2006/123/CE do Parlamento Europeo e do Consello, do 12 de decembro de 2006, relativa aos servizos do mercado interior, xa que, intentada polos medios habituais, non se puido practicar.

Advirteselle ao titular do establecemento denunciado que, de conformidade co artigo 13.2º do Real decreto 1398/1993, para o caso de non efectuar alegacións no prazo de quince días, e tendo en conta que o devandito acordo contén un pronunciamento preciso sobre a responsabilidade que se lle imputa, poderá ser considerado como proposta de resolución.

Expediente: PO-S-3/2010.

Titular sancionado: Pajaro Saa Hosteleiros, S.L.

CIF: B-36561397.

Establecemento: Cafetería Arrebatos.

Enderezo: avenida Benito Vigo, 42.

Concello: A Estrada.

Data de incoación: 3 de febreiro de 2010.

Feitos imputados: non contar coas autorizacións previstas na Lei 14/2008, de turismo de Galicia.

Preceptos infrinxidos: artigo 23 da Lei 14/2008, do 3 de decembro, de turismo de Galicia, modificada pola Lei 1/2010, do 11 de febreiro, de modificación de diversas leis de Galicia para a súa adaptación á Directiva 2006/123/CE, do Parlamento Europeo e do Consello do 12 de decembro de 2006, relativa aos servizos do mercado interior.

Sanción proposta: 950 euros, sen prexuízo do que poida resultar da fase instrutora.

Pontevedra, 20 de maio de 2010.

José María Picallo Búa

Xefe do Departamento Territorial de Pontevedra