De conformidade coa proposta elevada pola comisión nomeada para xulgar o concurso para a provisión da praza dos corpos docentes universitarios, convocado co nº 2178-V/10 mediante resolución desta universidade do 22 de febreiro de 2010 (BOE do 6 de marzo de 2010), e presentada polo interesado a documentación a que fai referencia a base oitava da convocatoria,

Este reitorado, no uso das atribucións conferidas polo artigo 65 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril, e o artigo 87 dos estatutos da universidade e demais disposicións concordantes, resolveu nomear ao seguinte funcionario docente universitario:

Nome e apelidos: Álvaro Ruibal Morell.

DNI: 36907415-M.

Código da praza: C01627.

Corpo: titular de universidade vinculado coa categoría asistencial de facultativo especialista da área.

Especialidade: medicina nuclear.

Área de coñecemento: radioloxía e medicina física, adscrita ao departamento de Psiquiatría, Radioloxía e Saúde Pública da Universidade de Santiago de Compostela

Institución sanitaria: Complexo Hospitalario Universitario de Santiago de Compostela.

Localidade: Santiago de Compostela.

Este nomeamento producirá plenos efectos a partir da correspondente toma de posesión polo interesado, que se deberá efectuar no prazo máximo de 20 días, contados desde o día seguinte ao da publicación desta resolución no BOE.

Contra esta resolución, que esgota a vía administrativa, poderase interpoñer recurso contencioso-administrativo perante o Xulgado do Contencioso-Administrativo de Santiago de Compostela no prazo de dous meses, contados desde o seguinte ao da súa publicación no BOE. Non obstante, os interesados poderán interpoñer recurso potestativo de reposición no prazo dun mes perante o órgano que ditou o acto, sen que neste caso se poida interpoñer o recurso contencioso-administrativo ata que non recaia resolución expresa ou presunta do recurso administrativo de reposición.

Santiago de Compostela, 26 de maio de 2010.

Senén Barro Ameneiro

Reitor da Universidade de Santiago de Compostela