A competencia para a resolución dos procedementos de reclamación de responsabilidade patrimonial por danos e prexuízos sufridos polos interesados a consecuencia do funcionamento dos servizos públicos regulada no artigo 139 e seguintes da Lei 30/1992, de réxime xurídico das administracións públicas e do procedemento administrativo común, é atribuída, no ámbito do Igape, ao conselleiro de Economía e Industria, en virtude do artigo 5 da Lei galega 6/2001, do 29 de xuño.
Pola súa banda a competencia para iniciar e instruír os anteditos procedementos corresponde ao Consello de Dirección do Igape, en virtude do artigo 3 do Real decreto 429/1993, do 26 de marzo, en relación co artigo 9 da Lei 5/1992, de creación do instituto, non atopándose incluída esta competencia entre as delegacións xerais de facultades contidas nas bases de xestión económico-financeira do Igape.
Por iso, e para a unha maior axilidade e eficacia na xestión e tramitación das reclamacións que nesta materia poidan presentarse no ámbito de actividade do Igape, o Consello de Dirección do Igape, na súa xuntanza do 1 de xuño de 2010, acordou delegar no director xeral a competencia para a incoación destes procedementos, e no director da área do instituto xestora do expediente obxecto de reclamación a competencia para a súa instrución.
Por todo o anterior, e de conformidade coas facultades que teño conferidas,
RESOLVO:
Único.-Publicar a seguinte delegación de facultades acordada polo Consello de Dirección do Igape na súa xuntanza do 1 de xuño de 2010:
«Delégase no director xeral do Igape a competencia para iniciar, e no director da área xestora do correspondente expediente, a competencia para instruír os procedementos de responsabilidade patrimonial por danos e prexuízos sufridos polos interesados a consecuencia do funcionamento do Igape, regulada no artigo 139 e seguintes da Lei 30/1992, de réxime xurídico das administracións públicas e do procedemento administrativo común, e no Real decreto 429/1993, que aproba o Regulamento dos procedementos das administracións públicas en materia de responsabilidade patrimonial».
Santiago de Compostela, 7 de xuño de 2010.
Joaquín Varela de Limia de Cominges
Director xeral do Instituto Galego
de Promoción Económica