Os comités éticos de Investigación Clínica son os encargados de emitir informe sobre todos os ensaios clínicos que se realicen dentro do seu ámbito territorial. Os ensaios clínicos e os comités éticos de Investigación Clínica regúlanse na Comunidade Autónoma polo Decreto 32/1996, do 25 de xaneiro, e polo Real decreto 223/2004, do 6 de febreiro e a Lei 29/2006, do 26 de xullo, de garantías e uso racional dos medicamentos e produtos sanitarios.

A Orde do 11 de xullo de 1996, pola que se crea o Comité Ético de Investigación Clínica de Galicia, no seu artigo 3 dispón que a composición do comité se axustará ao establecido no Decreto 32/1996 e que os seus membros serán nomeados por orde da Consellería de Sanidade.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e da súa Presidencia, reformada pola Lei 11/1988, do 20 de outubro, a Orde do 11 de xullo de 1996 e a disposición adicional primeira do Decreto 32/1996, do 25 de xaneiro, polo que regula a realización de ensaios clínicos na Comunidade Autónoma de Galicia, por proposta da Secretaría Xeral da Consellería de Sanidade,

DISPOÑO:

Artigo único.-O cesamento, por petición propia, como membros do Comité Ético de Investigación Clínica de Galicia, creado pola Orde do 11 de xullo de 1996, das persoas que se relacionan no anexo.

Santiago de Compostela, 2 de xuño de 2010.

Pilar Farjas Abadía

Conselleira de Sanidade

ANEXO

Cesamento como membros do Comité Ético de Investigación Clínica de Galicia de:

Miguel Ángel Amor Otero, médico especialista en hematoloxía e hemoterapia e facultativo especialista de Área no Complexo Hospitalario Universitario da Coruña.

Jorge Blanco Rodríguez, médico especialista en reumatoloxía e facultativo especialista de Área no Complexo Hospitalario Universitario de Santiago de Compostela

Ángeles Freire Fojo, farmacéutica especialista en farmacia hospitalaria do Complexo Hospitalario Arquitecto Marcide-Nóvoa Santos de Ferrol.

Arturo González Quintela, médico especialista en medicina interna e facultativo especialista de Área no Complexo Hospitalario Universitario de Santiago de Compostela.

Martín Lázaro Quintela, médico especialista en oncoloxía e facultativo especialista de Área no Complexo Hospitalario Universitario de Vigo

Manuel Portela Romero, médico especialista en medicina familiar e comunitaria e facultativo do Centro de Saúde de Padrón.