A aprobación da relación de postos de traballo da Consellería de Economía e Industria, agás a do organismo autónomo Instituto Galego de Consumo, xustifícase pola necesidade da adaptación da RPT á nova estrutura organizativa da consellería.

En consecuencia, por proposta da Consellería de Economía e Industria, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia na súa reunión do día 15 de abril de 2010, adoptou o seguinte

ACORDO:

Primeiro.-Aprobar a relación de postos de traballo da Consellería de Economía e Industria, agás a do organismo autónomo Instituto Galego de Consumo.

Segundo.-Ordenar a publicación deste acordo no Diario Oficial de Galicia para os efectos da súa entrada en vigor a partir do día seguinte ao da súa publicación.

Terceiro.-Clasificar de libre designación os postos que a continuación se relacionan en aplicación dos criterios de excepcionalidade que na marxe se indican, de conformidade co previsto no Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e o disposto mediante Acordo do 28 de xaneiro de 2008 asinado polo conselleiro de Presidencia, Administracións Públicas e Xustiza e polas organizacións sindicais.

Ver referencia pdf "07800D003P012.PDF"

Visto o acordo adoptado polo Consello da Xunta de Galicia na súa reunión do quince de abril de dous mil dez, relativo á aprobación da relación de postos de traballo da Consellería de Economía e Industria, agás a do organismo autónomo Instituto Galego de Consumo, coa finalidade de cumprir o dito acordo, dispoño que se publique no Diario Oficial de Galicia como anexo a esta resolución.

Santiago de Compostela, 16 de abril de 2010.

Marta Fernández Currás

Conselleira de Facenda

Ver referencia pdf "07800D003P012.PDF"

Ver referencia pdf "07800D004P019.PDF"