Visto o acordo subscrito o 20 de xaneiro de 2010 pola comisión paritaria do convenio colectivo de ámbito da Comunidade Autónoma de Galicia para o sector de perrucarías de donas, cabaleiros, unisex e beleza, polo que se aproba a táboa salarial para o ano 2010, e de conformidade co disposto no artigo 90.2 e 3 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.
A Dirección Xeral de Relacións Laborais,
ACORDA:
Primeiro.-Ordenar a inscrición da dita revisión salarial no Rexistro Xeral de Convenios desta dirección xeral.
Segundo.-Remitir o texto orixinal ao correspondente servizo deste centro directivo.
Tercero.-Dispoñer a súa publicación no Diario Oficial de Galicia.
Santiago de Compostela, 2 de marzo de 2010.
Odilo Martiñá Rodríguez
Director xeral de Relacións Laborais
ANEXO
Acta da comisión paritaria do convenio colectivo
da Comunidade Autónoma de Galicia para perrucarías
de señoras, cabaleiros, unisex e beleza de Galicia
2007-2010
En Ourense, ás 10.00 horas do día 20 de xaneiro de 2010, reúnense nos locais da CEO, sitos na praza das Damas, nº 1, a representación sindical e empresarial do convenio colectivo da Comunidade Autónoma de Galicia para perrucarías de señoras, cabaleiros, unisex e beleza, formada polas persoas que a continuación se indican:
Pola parte empresarial: a Federación de Empresarios de Perrucaría e Estética de Galicia (Fepega): Antonio Peiteado Iglesias, Camilo Sotelo Barroso. Pola parte social: por UGT: Rogelio Cibeira Fernández e Rosa Acuña.
Iniciada a sesión, adóptase o seguinte acordo:
Actualizar a táboa salarial de conformidade co establecido no artigo 22. Unha vez constatado que o IPC real de 2009 foi o 0,8%, procede aplicar ao salario esta porcentaxe incrementada no 0,50%, resultando un incremento final do 1,3% e, en consecuencia, a seguinte táboa salarial.
Ver referencia pdf "06800D005P044.PDF"
