DOG 65 do 08/04/2010 - DECRETO 46/2010, do 11 de marzo, polo que se establece o currículo do ciclo formativo de grao medio correspondente ao título de técnico en soldadura e caldeiraría.

I. DISPOSICIÓNS XERAIS

CONSELLERÍA DE EDUCACIÓN E ORDENACIÓN UNIVERSITARIA

DECRETO 46/2010, do 11 de marzo, polo que se establece o currículo do ciclo formativo de grao medio correspondente ao título de técnico en soldadura e caldeiraría.

O Estatuto de autonomía de Galicia, no seu artigo 31, determina que é competencia plena da Comunidade Autónoma de Galicia o regulamento e a administración do ensino en toda a súa extensión, nos seus niveis e graos, nas súas modalidades e especialidades, sen prexuízo do disposto no artigo 27 da Constitución e nas leis orgánicas que, conforme o punto primeiro do seu artigo 81, a desenvolvan.

A Lei orgánica 5/2002, do 19 de xuño, das cualificacións e da formación profesional, ten por obxecto a ordenación dun sistema integral de formación profesional, cualificacións e acreditación que responda con eficacia e transparencia ás demandas sociais e económicas a través das modalidades formativas.

A devandita lei establece que a Administración xeral do Estado, de conformidade co que se dispón no artigo 149.1.30ª e 7ª da Constitución española, e logo da consulta ao Consello Xeral de Formación Profesional, determinará os títulos de formación profesional e os certificados de profesionalidade que constituirán as ofertas de formación profesional referidas ao Catálogo Nacional de Cualificacións Profesionais, creado polo Real decreto 1128/2003, do 5 de setembro, e modificado polo Real decreto 1416/2005, do 25 de novembro, cuxos contidos poderán ampliar as administracións educativas no ámbito das súas competencias.

Establece, así mesmo, que os títulos de formación profesional e os certificados de profesionalidade terán carácter oficial e validez en todo o territorio do Estado e serán expedidos polas administracións competentes, a educativa e a laboral respectivamente.

A Lei orgánica 2/2006, do 3 de maio, de educación, establece no seu capítulo III que se entende por currículo o conxunto de obxectivos, competencias básicas, contidos, métodos pedagóxicos e criterios de avaliación de cada unha das ensinanzas reguladas pola citada lei.

No seu capítulo V establece as directrices xerais da formación profesional inicial e dispón que o Goberno, logo da consulta ás comunidades autónomas, establecerá as titulacións correspondentes aos estudos de formación profesional, así como os aspectos básicos do currículo de cada unha delas.

O Real decreto 1538/2006, do 15 de decembro, polo que se establece a ordenación xeral da formación profesional do sistema educativo, estableceu no seu capítulo II a estrutura dos títulos de formación profesional, tomando como base o Catálogo Nacional de Cualificacións Profesionais, as directrices fixadas pola Unión Europea e outros aspectos de interese social.

No seu capítulo IV, dedicado á definición do currículo polas administracións educativas en desenvolvemento do artigo 6.3º da Lei orgánica 2/2006, do 3 de maio, de educación, establece que as administracións educativas, no ámbito das súas competencias, establecerán os currículos correspondentes ampliando e contextualizando os contidos dos títulos á realidade socioeconómica do territorio da súa competencia, e respectando o seu perfil profesional.

Publicado o Real decreto 1692/2007, do 14 de decembro, polo que se establece o título de técnico en soldadura e caldeiraría e as súas correspondentes ensinanzas mínimas, e de acordo co seu artigo 10.2º, correspóndelle á Consellería de Educación e Ordenación Universitaria establecer o currículo correspondente no ámbito da Comunidade Autónoma de Galicia.

Consonte o anterior, este decreto establece o currículo do ciclo formativo de formación profesional de técnico en soldadura e caldeiraría. Este currículo adapta a nova titulación ao campo profesional e de traballo da realidade socioeconómica galega e ás necesidades de cualificación do sector produtivo canto á especialización e polivalencia, e posibilita unha inserción laboral inmediata e unha proxección profesional futura.

Para estes efectos, determínase a identificación do título, o seu perfil profesional, o ámbito profesional, a prospectiva do título no sector ou nos sectores, as ensinanzas do ciclo formativo, a correspondencia dos módulos profesionais coas unidades de competencia para a súa acreditación, validación ou exención, así como os parámetros do contexto formativo para cada módulo profesional no que se refire a espazos, equipamentos, titulacións e especialidades do profesorado, e as súas equivalencias para efectos de docencia.

Así mesmo, determínanse os accesos a outros estudos, as validacións, exencións e equivalencias, e a información sobre os requisitos necesarios segundo a lexislación vixente para o exercicio profesional, cando proceda.

O currículo que se establece neste decreto desenvólvese tendo en conta o perfil profesional do título a través dos obxectivos xerais que o alumnado debe alcanzar ao finalizar o ciclo formativo e os obxectivos propios de cada módulo profesional, expresados a través dunha serie de resultados de aprendizaxe, entendidos como as competencias que deben adquirir os alumnos e as alumnas nun contexto de aprendizaxe, que lles permitirán conseguir os logros profesionais necesarios para desenvolver as súas funcións con éxito no mundo laboral.

Asociado a cada resultado de aprendizaxe, establécese unha serie de contidos de tipo conceptual, procedemental e actitudinal redactados de xeito integrado, que proporcionarán o soporte de información e destreza precisos para lograr as competencias profesionais, persoais e sociais propias do perfil do título.

Neste sentido, a inclusión do módulo de formación en centros de traballo posibilita que o alumnado complete a formación adquirida no centro educativo mediante a realización dun conxunto de actividades de produción e/ou de servizos en situacións reais de traballo no contorno produtivo do centro, de acordo coas exixencias derivadas do Sistema Nacional de Cualificacións e Formación Profesional.

A formación relativa á prevención de riscos laborais dentro do módulo de formación e orientación laboral aumenta a empregabilidade do alumnado que supere estas ensinanzas e facilita a súa incorporación ao mundo do traballo.

De acordo co artigo 9.2º do Real decreto 1538/2006, do 15 de decembro, establécese a división de determinados módulos profesionais en unidades formativas de menor duración, coa finalidade de facilitar a formación ao longo da vida, respectando, en todo caso, a necesaria coherencia da formación asociada a cada unha delas.

De conformidade co exposto, por proposta da persoa titular da Consellería de Educación e Ordenación Universitaria, no exercicio da facultade outorgada polo artigo 34 da Lei 1/1983, do 22 de febreiro, reguladora da Xunta e da súa Presidencia, modificada polas leis 11/1988, do 20 de outubro; 2/2007, do 28 de marzo, e 12/2007, do 27 de xullo, conforme os ditames do Consello Galego de Formación Profesional e do Consello Escolar de Galicia, de acordo co ditame do Consello Consultivo de Galicia, e logo de deliberación do Consello da Xunta de Galicia, na súa reunión do día once de marzo de dous mil dez,

DISPOÑO:

Capítulo I

Disposicións xerais

Artigo 1º.-Obxecto.

Este decreto establece o currículo que será de aplicación na Comunidade Autónoma de Galicia para as ensinanzas de formación profesional relativas ao título de técnico en soldadura e caldeiraría, determinado polo Real decreto 1692/2007, do 14 de decembro.

Capítulo II

Identificación do título, perfil profesional, ámbito profesional e prospectiva do título no sector ou nos sectores

Artigo 2º.-Identificación.

O título de técnico en soldadura e caldeiraría identifícase polos seguintes elementos:

-Denominación: soldadura e caldeiraría.

-Nivel: formación profesional de grao medio.

-Duración: 2.000 horas.

-Familia profesional: fabricación mecánica.

-Referente europeo: CINE-3 (Clasificación Internacional Normalizada da Educación).

Artigo 3º.-Perfil profesional do título.

O perfil profesional do título de técnico en soldadura e caldeiraría determínase pola súa competencia xeral, polas súas competencias profesionais, persoais e sociais, así como pola relación de cualificacións e, de ser o caso, unidades de competencia do Catálogo Nacional de Cualificacións Profesionais incluídas no título.

Artigo 4º.-Competencia xeral.

A competencia xeral deste título consiste en executar os procesos de fabricación, montaxe e reparación de elementos de caldeiraría, canalizacións, estruturas metálicas e carpintaría metálica aplicando as técnicas de soldadura, de mecanizado e de conformación, e cumprindo as especificacións de calidade, prevención de riscos laborais e protección ambiental.

Artigo 5º.-Competencias profesionais, persoais e sociais.

As competencias profesionais, persoais e sociais deste título son as que se relacionan a seguir:

a) Determinar procesos de fabricación de construcións metálicas partindo da información técnica incluída en planos de fabricación, en normas e en catálogos.

b) Acondicionar a área de traballo, preparando e seleccionando materiais, ferramentas, instrumentos, equipamentos, elementos de montaxe e protección, partindo da información técnica do proceso que se vaia desenvolver.

c) Preparar os sistemas automáticos de máquinas e útiles de corte, mecanizado e conformación de chapas, os perfís e as tubaxes, en función das fases do proceso e das operacións que se vaian realizar.

d) Construír patróns, útiles, camas e soportes partindo das especificacións técnicas de fabricación.

e) Obter elementos de construcións metálicas trazando, cortando, mecanizando e conformando chapas, perfís e tubaxes, segundo as especificacións técnicas e os procedementos de fabricación.

f) Verificar os produtos fabricados operando cos instrumentos de medida e utilizando procedementos definidos, conforme as especificacións establecidas.

g) Montar e colocar estruturas e tubaxes, segundo os procedementos de montaxe e cumprindo especificacións técnicas.

h) Unir compoñentes de construcións metálicas mediante soldadura oxiacetilénica, eléctrica por arco e resistencia, de acordo coas especificacións do produto e do proceso.

i) Cortar por oxigás compoñentes e elementos de construcións metálicas seguindo os requisitos do proceso.

j) Protexer as tubaxes mediante o tratamento de protección requirido, segundo as especificacións e as ordes de traballo.

k) Realizar o mantemento de primeiro nivel en máquinas e equipamentos de soldadura e caldeiraría, de acordo coa ficha de mantemento.

l) Aplicar procedementos de calidade, e de prevención de riscos laborais e ambientais, consonte o establecido nos procesos de soldadura e caldeiraría.

m) Verificar que as estruturas ou as tubaxes se axusten ás especificacións establecidas, mediante a realización das probas de resistencia estrutural e de estanquidade requiridas.

n) Reparar elementos de construcións metálicas e conseguir a calidade requirida.

o) Resolver as incidencias relativas á súa actividade, logo de identificar as causas que as provocan, tomando responsablemente as decisións.

p) Adaptarse a novas situacións laborais e a diferentes postos de traballo orixinados por cambios tecnolóxicos e organizativos nos procesos produtivos.

q) Cumprir os obxectivos da produción, colaborando co equipo de traballo e actuando conforme os principios de responsabilidade e tolerancia.

r) Exercer os dereitos e cumprir as obrigas que derivan das relacións laborais, de acordo co establecido na lexislación.

s) Xestionar a propia carreira profesional, analizando oportunidades de emprego, de autoemprego e de aprendizaxe.

t) Crear e xestionar unha pequena empresa, realizando o estudo de viabilidade de produtos, de planificación da produción e de comercialización.

u) Participar na vida económica, social e cultural, cunha actitude crítica e responsable.

Artigo 6º.-Relación de cualificacións e unidades de competencia do Catálogo Nacional de Cualificacións Profesionais incluídas no título.

Cualificacións profesionais completas incluídas no título:

a) Soldadura FME035_2 (Real decreto 295/2004, do 20 de febreiro), que abrangue as seguintes unidades de competencia:

UC0098_2: realizar soldaduras e proxeccións térmicas por oxigás.

UC0099_2: realizar soldaduras con arco eléctrico con eléctrodo revestido.

UC0100_2: realizar soldaduras con arco baixo gas protector con eléctrodo non consumible (TIG).

UC0101_2: realizar soldaduras con arco baixo gas protector con eléctrodo consumible (MIG, MAG) e proxeccións térmicas con arco.

b) Caldeiraría, carpintaría e montaxe de construcións metálicas FME350_2 (Real decreto 1699/2007, do 14 de decembro), que abrangue as seguintes unidades de competencia:

UC1139_2: trazar e cortar chapas e perfís.

UC1140_2: mecanizar e conformar chapas e perfís.

UC1141_2: montar e instalar elementos e estruturas de construcións e carpintaría metálica.

c) Fabricación e montaxe de instalacións de tubaxe industrial FME351_2 (Real decreto 1699/2007, do 14 de decembro), que abrangue as seguintes unidades de competencia:

UC1142_2: trazar e mecanizar tubaxes.

UC1143_2: conformar e armar tubaxes.

UC1144_2: montar instalacións de tubaxe.

Artigo 7º.-Ámbito profesional.

1. Esta figura profesional exerce a súa actividade nas industrias de fabricación, reparación e montaxe de produtos de caldeiraría, carpintaría e estrutura relacionadas cos subsectores de construcións metálicas e navais, e de fabricación de vehículos de transporte, encadradas no sector industrial.

2. As ocupacións e os postos de traballo máis salientables son os seguintes:

Soldador/a e oxicortador/a.

Operador/a de proxección térmica.

Chapista e caldeireiro/a.

Montador/a de estruturas metálicas.

Carpinteiro/a metálico/a.

Tubeiro/a industrial de industria pesada.

Artigo 8º.-Prospectiva do título no sector ou nos sectores.

1. Este perfil profesional sinala unha evolución ascendente na capacidade para tomar decisións propias acerca dos procesos baixo o seu control, así como en asumir as funcións de planificación, calidade, mantemento xeral e prevención de riscos laborais na pequena empresa. Nesta última produciranse melloras nas condicións de traballo respecto á seguridade, e unha maior utilización de equipamentos de protección individual (EPI).

2. Ao aumento da automatización e da robotización en xeral seguirá o desenvolvemento de sistemas informáticos para o control das máquinas de corte e conformación. As cisallas, pregadoras e curvadoras de rolos tamén incorporan control numérico (CNC); xeneralizarase o uso das máquinas de corte por plasma con control numérico (CNC). Aumentarán as máquinas de corte por láser e, en menor medida, as de corte por auga.

3. En determinados sectores, como o de construción de material de transporte ferroviario, o de aeronáutica e o nuclear, requírese persoal soldador homologado baixo as normas de fabricación.

4. En soldadura, os equipamentos son cada vez máis sofisticados, o que permite maior control dos parámetros de traballo (equipamentos de arco pulsado, sinérxicos -autómatas-, arco somerxido -SAW-, etc.) e, xa que logo, menor variabilidade nos resultados. Os robots de soldadura vanse xeneralizar en traballos repetitivos.

5. Incrementarase o uso da soldadura por arco somerxido, así como a MIG, MAG e láser, en detrimento da eléctrica convencional e da autóxena. Novas técnicas permitirán mellorar as soldaduras de materiais de difícil soldabilidade, como titanio, fundición de grafito nodular, etc.

6. A recuperación e a clasificación de residuos e ferrallas, e o tratamento axeitado de residuos tóxicos e perigosos, fanse totalmente imprescindibles.

Capítulo III

Ensinanzas do ciclo formativo e parámetros básicos

de contexto

Artigo 9º.-Obxectivos xerais.

Os obxectivos xerais deste ciclo formativo son os seguintes:

a) Identificar, analizar e caracterizar as fases de fabricación de construcións metálicas, interpretando as especificacións técnicas, para establecer o proceso máis axeitado.

b) Seleccionar ferramentas e equipamentos tendo en conta a relación entre as súas características tecnolóxicas, o seu funcionamento e as necesidades do proceso, para acondicionar a área de traballo.

c) Recoñecer as características de programas de control numérico, robots e manipuladores, tendo en conta as relacións entre as linguaxes de programación e as súas aplicacións, para preparar máquinas e sistemas.

d) Analizar as técnicas de trazar, cortar, mecanizar e conformar, e manipular os controis das máquinas, xustificando a secuencia operativa para obter produtos de construcións metálicas.

e) Identificar as fases e as operacións que haxa que realizar, e analizar os procedementos de traballo e a normativa para montar estruturas metálicas e tubaxes.

f) Identificar os valores dos parámetros de traballo e analizar o proceso de soldaxe ou de corte, para preparar e pór a punto os equipamentos de soldadura ou de corte.

g) Recoñecer e manexar os equipamentos de soldadura ou corte, e describir a secuencia operativa para unir, cortar ou reparar compoñentes de construcións metálicas.

h) Recoñecer as técnicas de ensaios en relación coas prescricións de resistencia estrutural e de estanquidade que haxa que cumprir, para verificar a conformidade de produtos e instalacións.

i) Medir parámetros de compoñentes de construcións metálicas mediante o cálculo do seu valor e a súa comparación coas especificacións técnicas, para verificar a súa conformidade.

j) Identificar os tratamentos de protección en relación coas características do produto final, para protexer tubaxes.

k) Identificar as necesidades de mantemento de máquinas e equipamentos, e xustificar a súa importancia, para asegurar a súa funcionalidade.

l) Recoñecer e valorar continxencias, determinar as causas que as provocan e describir as accións correctoras, para resolver as incidencias asociadas á súa actividade profesional.

m) Analizar e describir os procedementos de calidade, prevención de riscos laborais e ambientais, e sinalar as accións para realizar nos casos definidos para actuar de acordo con normas estandarizadas.

n) Valorar as actividades de traballo nun proceso produtivo, e identificar a súa achega ao proceso global para conseguir os obxectivos da produción.

o) Identificar e valorar as oportunidades de aprendizaxe e emprego, analizando as ofertas e demandas do mercado laboral para xestionar a súa carreira profesional.

p) Recoñecer as oportunidades de negocio, identificando e analizando demandas do mercado para crear e xestionar unha pequena empresa.

q) Recoñecer os dereitos e os deberes como axente activo na sociedade, analizando o marco legal que regula as condicións sociais e laborais, para participar na cidadanía democrática.

Artigo 10º.-Módulos profesionais.

Os módulos profesionais deste ciclo formativo, que se desenvolven no anexo I deste decreto, son os que se relacionan a seguir:

MP0006. Metroloxía e ensaios.

MP0007. Interpretación gráfica.

MP0091. Trazado, corte e conformación.

MP0092. Mecanizado.

MP0093. Soldadura en atmosfera natural.

MP0094. Soldadura en atmosfera protexida.

MP0095. Montaxe.

MP0096. Formación e orientación laboral.

MP0097. Empresa e iniciativa emprendedora.

MP0098. Formación en centros de traballo.

Artigo 11º.-Espazos e equipamentos.

1. Os espazos e os equipamentos mínimos necesarios para o desenvolvemento das ensinanzas deste ciclo formativo son os establecidos no anexo II deste decreto.

2. Os espazos formativos establecidos respectarán a normativa sobre prevención de riscos laborais, a normativa sobre seguridade e saúde no posto de traballo, e cantas outras normas sexan de aplicación.

3. Os espazos formativos establecidos poden ser ocupados por diferentes grupos de alumnado que curse o mesmo ou outros ciclos formativos, ou etapas educativas.

4. Non cómpre que os espazos formativos identificados se diferencien mediante pechamentos.

5. A cantidade e características dos equipamentos que se inclúen en cada espazo deberán estar en función do número de alumnos e alumnas, e serán os necesarios e suficientes para garantir a calidade do ensino e a adquisición dos resultados de aprendizaxe.

6. O equipamento disporá da instalación necesaria para o seu correcto funcionamento, as normas de seguridade e prevención de riscos, e cantas outras sexan de aplicación, e respectaranse os espazos e as superficies de seguridade que exixan as máquinas en funcionamento.

Artigo 12º.-Profesorado.

1. A docencia dos módulos profesionais que constitúen as ensinanzas deste ciclo formativo correspóndelle ao profesorado do corpo de catedráticos de ensino secundario, do corpo de profesorado ensino secundario e do corpo de profesorado técnico de formación profesional, segundo proceda, das especialidades establecidas no anexo III A) deste decreto.

2. As titulacións requiridas para acceder aos corpos docentes citados son, con carácter xeral, as establecidas no artigo 13 do Real decreto 276/2007, do 23 de febreiro, polo que se aproba o Regulamento de ingreso, accesos e adquisición de novas especialidades nos corpos docentes a que se refire a Lei orgánica 2/2006, do 3 de maio, de educación, e se regula o réxime transitorio de ingreso a que se refire a disposición transitoria décimo sétima da devandita lei. As titulacións equivalentes ás anteriores para efectos de docencia, para as especialidades do profesorado, son as recollidas no anexo III B) deste decreto.

3. O profesorado especialista terá atribuída a competencia docente dos módulos profesionais especificados no anexo III A) deste decreto.

4. O profesorado especialista deberá cumprir os requisitos xerais exixidos para o ingreso na función pública docente establecidos no artigo 12 do Real decreto 276/2007, do 23 de febreiro, polo que se aproba o Regulamento de ingreso, acceso e adquisición de novas especialidades nos corpos docentes a que se refire a Lei orgánica 2/2006, do 3 de maio, de educación, e se regula o réxime transitorio de ingreso a que se refire a disposición transitoria décimo sétima da devandita lei.

5. Ademais, co fin de garantir que responda ás necesidades dos procesos involucrados no módulo profesional, cómpre acreditar no comezo de cada nomeamento unha experiencia profesional recoñecida no campo laboral correspondente, debidamente actualizada, con polo menos dous anos de exercicio profesional nos catro anos inmediatamente anteriores ao nomeamento.

6. As titulacións requiridas para a impartición dos módulos profesionais que formen o título, para o profesorado dos centros de titularidade privada ou de titularidade pública doutras administracións distintas das educativas, concrétanse no anexo III C) deste decreto.

A Consellería de Educación e Ordenación Universitaria establecerá un procedemento de habilitación para exercer a docencia, no cal se exixirá o cumprimento dalgún dos seguintes requisitos:

-Que as ensinanzas conducentes ás titulacións citadas engloben os obxectivos dos módulos profesionais.

-Que se acredite mediante certificación unha experiencia laboral de, polo menos, tres anos no sector vinculado á familia profesional, realizando actividades produtivas en empresas relacionadas implicitamente cos resultados de aprendizaxe.

Capítulo IV

Accesos e vinculación a outros estudos, e correspondencia de módulos profesionais coas unidades de competencia

Artigo 13º.-Acceso a outros estudos.

1. O técnico en soldadura e caldeiraría permite o acceso directo para cursar calquera outro ciclo formativo de grao medio, nas condicións de acceso que se establezan.

2. Este título permitirá acceder mediante proba, con dezaoito anos cumpridos e sen prexuízo da correspondente exención, a todos os ciclos formativos de grao superior da mesma familia profesional e a outros ciclos formativos en que coincida a modalidade de bacharelato que facilite a conexión cos ciclos solicitados.

3. Este título permitirá o acceso a calquera das modalidades de bacharelato, de acordo co disposto no artigo 44.1º da Lei orgánica 2/2006, do 3 de maio, de educación, e no artigo 16.3º do Real decreto 1538/2006, do 15 de decembro.

Artigo 14º.-Validacións e exencións.

1. As validacións de módulos profesionais dos títulos de formación profesional establecidos ao abeiro da Lei orgánica 1/1990, do 3 de outubro, de ordenación xeneral do sistema educativo, cos módulos profesionais dos títulos establecidos ao abeiro da Lei orgánica 2/2006, do 3 de maio, de educación, recóllense no anexo IV deste decreto.

2. Serán obxecto de validación os módulos profesionais comúns a varios ciclos formativos, de igual denominación, duración, contidos, obxectivos expresados como resultados de aprendizaxe e criterios de avaliación, establecidos nos reais decretos polos que se fixan as ensinanzas mínimas dos títulos de formación profesional. Malia o anterior, e consonte o artigo 45.2º do Real decreto 1538/2006, do 15 de decembro, quen superar o módulo profesional de formación e orientación laboral, ou o módulo profesional de empresa e iniciativa emprendedora en calquera dos ciclos formativos correspondentes aos títulos establecidos ao abeiro da Lei orgánica 2/2006, do 3 de maio, de educación, terá validados os devanditos módulos en calquera outro ciclo formativo establecido ao abeiro da mesma lei.

3. O módulo profesional de formación e orientación laboral de calquera título de formación profesional poderá ser obxecto de validación sempre que se cumpran os requisitos establecidos no artigo 45.3º do Real decreto 1538/2006, do 15 de decembro, que se acredite polo menos un ano de experiencia laboral e se posúa o certificado de técnico en prevención de riscos laborais, nivel básico, expedido consonte o disposto no Real decreto 39/1997, do 17 de xaneiro, polo que se aproba o Regulamento dos servizos de prevención.

4. De acordo co establecido no artigo 49 do Real decreto 1538/2006, do 15 de decembro, poderá determinarse a exención total ou parcial do módulo profesional de formación en centros de traballo pola súa correspondencia coa experiencia laboral, sempre que se acredite unha experiencia relacionada con este ciclo formativo nos termos previstos no devandito artigo.

Artigo 15º.-Correspondencia dos módulos profesionais coas unidades de competencia para a súa acreditación, validación ou exención.

1. A correspondencia das unidades de competencia cos módulos profesionais que forman as ensinanzas deste título para a súa validación ou exención queda determinada no anexo V A) deste decreto.

2. A correspondencia dos módulos profesionais que forman as ensinanzas deste título coas unidades de competencia para a súa acreditación queda determinada no anexo V B) deste decreto.

Capítulo V

Organización da impartición

Artigo 16º.-Distribución horaria.

Os módulos profesionais deste ciclo formativo organizaranse polo réxime ordinario segundo se establece no anexo VI deste decreto.

Artigo 17º.-Unidades formativas.

1. Consonte o artigo 9.2º do Real decreto 1538/2006, do 15 de decembro, e coa finalidade de facilitar a formación ao longo da vida e servir de referente para a súa impartición, establécese no anexo VII a división de determinados módulos profesionais en unidades formativas de menor duración.

2. A Consellería de Educación e Ordenación Universitaria determinará os efectos académicos da división dos módulos profesionais en unidades formativas.

Disposicións adicionais

Primeira.-Oferta nas modalidades semipresencial e a distancia deste título.

A impartición das ensinanzas dos módulos profesionais deste ciclo formativo nas modalidades semipresencial ou a distancia, que se ofrecerán unicamente polo réxime para as persoas adultas, requirirá a autorización previa da Consellería de Educación e Ordenación Universitaria, conforme o procedemento que se estableza.

Segunda.-Titulacións equivalentes.

1. Consonte o establecido na disposición adicional trixésimo primeira da Lei orgánica 2/2006, de educación, o título que se indica a seguir terá os mesmos efectos profesionais que o título de técnico en soldadura e caldeiraría, establecido no Real decreto 1692/2007, do 14 de decembro, cuxo currículo para Galicia se desenvolve neste decreto:

-Título de técnico auxiliar en construcións metálicas (metal), da Lei 14/1970, do 4 de agosto, xeral de educación e financiamento da reforma educativa.

2. O título que se indica a seguir terá os mesmos efectos profesionais e académicos que o título de técnico en soldadura e caldeiraría, establecido no Real decreto 1692/2007, do 14 de decembro, cuxo currículo para Galicia se desenvolve neste decreto:

-Título de técnico en soldadura e caldeiraría, establecido polo Real decreto 1657/1994, do 22 de xullo, cuxo currículo para Galicia foi establecido polo Decreto 213/2000, do 21 de xullo.

3. A formación establecida neste decreto no módulo profesional de formación e orientación laboral capacita para levar a cabo responsabilidades profesionais equivalentes ás que precisan as actividades de nivel básico en prevención de riscos laborais, establecidas no Real decreto 39/1997, do 17 de xaneiro, polo que se aproba o Regulamento dos servizos de prevención.

Terceira.-Regulación do exercicio da profesión.

1. De conformidade co establecido no Real decreto 1538/2006, do 15 de decembro, polo que se establece a ordenación xeral da formación profesional do sistema educativo, os elementos recollidos neste decreto non constitúen regulación do exercicio de profesión titulada ningunha.

2. Así mesmo, as equivalencias de titulacións académicas establecidas nos puntos 1 e 2 da disposición adicional segunda deste decreto entenderanse sen prexuízo do cumprimento das disposicións que habilitan para o exercicio das profesións reguladas.

Cuarta.-Accesibilidade universal nas ensinanzas deste título.

1. A Consellería de Educación e Ordenación Universitaria garantirá que o alumnado poida acceder e cursar este ciclo formativo nas condicións establecidas na disposición derradeira décima da Lei 51/2003, do 2 de decembro, de igualdade de oportunidades, non-discriminación e accesibilidade universal das persoas con discapacidade.

2. As programacións didácticas que desenvolvan o currículo establecido neste decreto deberán ter en conta o principio de «deseño para todos». Para tal efecto, recollerán as medidas necesarias co fin de que o alumnado poida conseguir a competencia xeral do título, expresada a través das competencias profesionais, persoais e sociais, así como os resultados de aprendizaxe de cada un dos módulos profesionais.

En calquera caso, estas medidas non poderán afectar de forma significativa a consecución dos resultados de aprendizaxe previstos para cada un dos módulos profesionais.

Quinta.-Autorización a centros privados para a impartición das ensinanzas reguladas neste decreto.

A autorización a centros privados para a impartición das ensinanzas deste ciclo formativo exixirá que desde o inicio do curso escolar se cumpran os requisitos de profesorado, espazos e equipamentos regulados neste decreto.

Sexta.-Desenvolvemento do currículo.

1. O currículo establecido neste decreto require un posterior desenvolvemento a través das programacións didácticas elaboradas polo equipo docente do ciclo formativo. Estas programacións concretarán e adaptarán o currículo ao ámbito socioeconómico do centro e ás características do alumnado, tomando como referencia o perfil profesional do ciclo formativo a través dos seus obxectivos xerais e dos resultados de aprendizaxe establecidos para cada módulo profesional.

2. Os centros educativos desenvolverán este currículo de acordo co establecido no artigo 11 do Decreto 124/2007, do 28 de xuño, polo que se regula o uso e a promoción do galego no sistema educativo.

Disposición transitoria

Única.-Centros privados con autorización para impartir ciclos formativos de formación profesional.

A autorización concedida aos centros educativos de titularidade privada para impartir as ensinanzas a que se fai referencia no Decreto 213/2000, do 21 de xullo, polo que se establece o currículo do ciclo formativo de grao medio correspondente ao título de técnico en soldadura e caldeiraría, entenderase referida ás ensinanzas reguladas neste decreto.

Disposición derrogatoria

Única.-Derrogación de normas.

Queda derrogado o Decreto 213/2000, do 21 de xullo, polo que se establece o currículo do ciclo formativo de grao medio correspondente ao título de técnico en soldadura e caldeiraría, e todas as disposicións de igual ou inferior rango que se opoñan ao disposto neste decreto, sen prexuízo da disposición derradeira primeira.

Disposicións derradeiras

Primeira.-Implantación das ensinanzas recollidas neste decreto.

1. No curso 2009-2010 implantarase o primeiro curso polo réxime ordinario e deixará de impartirse o primeiro curso das ensinanzas a que se fai referencia no Decreto 213/2000, do 21 de xullo, polo que se establece o currículo do ciclo formativo de grao medio correspondente ao título de técnico en soldadura e caldeiraría.

2. No curso 2010-2011 implantarase o segundo curso polo réxime ordinario e deixará de impartirse o segundo curso das ensinanzas a que se fai referencia no Decreto 213/2000, do 21 de xullo, polo que se establece o currículo do ciclo formativo de grao medio correspondente ao título de técnico en soldadura e caldeiraría.

3. No curso 2009-2010 implantaranse as ensinanzas reguladas neste decreto polo réxime para as persoas adultas.

Segunda.-Desenvolvemento normativo.

1. Autorízase a persoa titular da Consellería de Educación e Ordenación Universitaria para ditar as disposicións que sexan necesarias para a execución e o desenvolvemento do establecido neste decreto.

2. Autorízase a persoa titular da Consellería de Educación e Ordenación Universitaria para modificar o anexo II B), relativo a equipamentos, cando por razóns de obsolescencia ou actualización tecnolóxica así se xustifique.

Terceira.-Entrada en vigor.

Este decreto entrará en vigor aos vinte días da súa publicación no Diario Oficial de Galicia.

Santiago de Compostela, once de marzo de dous mil dez.

Alberto Núñez Feijóo

Presidente

Jesús Vázquez Abad

Conselleiro de Educación e Ordenación Universitaria

1. Anexo I

Módulos profesionais

1.1. Módulo profesional: metroloxía e ensaios.

*Código: MP0006.

*Duración: 123 horas.

1.1.1. Unidade formativa 1: metroloxía e calibración.

*Código: MP0006_12.

*Duración: 73 horas.

1.1.1.1. Resultados de aprendizaxe e criterios de avaliación.

*RA1. Prepara instrumentos e equipamentos de verificación, para o cal selecciona os útiles e aplica as técnicas e os procedementos requiridos.

-CA1.1. Describíronse conceptos relacionados coa metroloxía: apreciación, incerteza, calibración, metroloxía, rastrexabilidade, repetibilidade, etc.

-CA1.2. Describíronse as condicións de temperatura, humidade e limpeza que deben cumprir as pezas que se vaian medir e os equipamentos de medición, para proceder ao seu control.

-CA1.3. Comprobouse que a temperatura, a humidade e a limpeza dos equipamentos, das instalacións e das pezas cumpran os requisitos establecidos no procedemento de verificación.

-CA1.4. Comprobouse a calibración do instrumento de medida.

-CA1.5. Describíronse as características construtivas e os principios de funcionamento dos equipamentos.

-CA1.6. Valorouse a necesidade dun traballo ordenado e metódico na preparación dos equipamentos.

-CA1.7. Realizáronse as operacións de limpeza e mantemento necesarias para o seu correcto funcionamento.

*RA2. Controla dimensións, xeometrías e superficies de produtos, mediante o cálculo das medidas e a comparación dos resultados coas especificacións do produto.

-CA2.1. Identificáronse os instrumentos de medida, a magnitude que controlan, o seu campo de aplicación e a súa precisión.

-CA2.2. Seleccionouse o instrumento de medición ou verificación en función da comprobación que se queira realizar.

-CA2.3. Describíronse as técnicas de medición utilizadas en medicións dimensionais, xeométricas e superficiais.

-CA2.4. Describiuse o funcionamento dos útiles de medición.

-CA2.5. Identificáronse os tipos de erros que inflúen nunha medida e as causas que os orixinan (instrumentos de medida, ambiente e persoal operador).

-CA2.6. Montáronse as pezas para verificar segundo o procedemento establecido.

-CA2.7. Aplicáronse técnicas e procedementos de medición de parámetros dimensionais, xeométricos e superficiais.

-CA2.8. Rexistráronse as medidas obtidas nas fichas de toma de datos ou no gráfico de control.

-CA2.9. Identificáronse os valores de referencia e as súas tolerancias.

*RA3. Detecta desviacións en procesos automáticos, mediante a análise e a interpretación dos gráficos de control de procesos.

-CA3.1. Relacionouse coas intervencións de axuste do proceso o concepto de capacidade de proceso e os índices que o avalían.

-CA3.2. Realizáronse gráficos ou histogramas representativos das variacións dimensionais de cotas críticas verificadas.

-CA3.3. Interpretáronse as alarmas ou os criterios de valoración dos gráficos de control empregados.

-CA3.4. Calculáronse, segundo o procedemento establecido, os índices de capacidade de proceso dunha serie de mostras medidas, con especificacións técnicas e valores coñecidos.

-CA3.5. Diferenciáronse os tipos de gráficos en función da súa aplicación.

-CA3.6. Explicouse o valor de límite de control.

*RA4. Actúa consonte procedementos e normas de calidade asociadas ás competencias do perfil profesional, en relación cos sistemas e os modelos de calidade.

-CA4.1. Explicáronse as características dos sistemas e dos modelos de calidade que afecten o proceso tecnolóxico deste perfil profesional.

-CA4.2. Describíronse os elementos da infraestrutura da calidade e, dentro desta, a figura dos laboratorios de calibración.

-CA4.3. Identificáronse as normas e os procedementos afíns ao proceso de fabricación ou control.

-CA4.4. Describíronse as actividades que cumpra realizar para manter os sistemas ou os modelos de calidade, nos procesos de fabricación asociados ás competencias desta figura profesional.

-CA4.5. Formalizáronse os documentos asociados ao proceso.

-CA4.6. Valorouse a influencia das normas de calidade no conxunto do proceso.

1.1.1.2. Contidos básicos.

BC1. Preparación de pezas e medios para a verificación.

*Preparación de pezas para a súa medición e a súa verificación.

*Condicións para realizar as medicións.

*Calibración.

*Rigor na preparación.

BC2. Verificación dimensional.

*Medición dimensional, xeométrica e superficial.

*Metroloxía.

*Instrumentación metrolóxica.

*Erros típicos na medición.

*Rexistro de medidas.

*Fichas de toma de datos.

*Rigor na obtención de valores.

BC3. Control de procesos automáticos.

*Interpretación de gráficos de control de proceso.

*Gráficos estatísticos de control de variables e atributos.

*Concepto de capacidade do proceso e índices que o valoran.

*Criterios de interpretación de gráficos de control.

*Interese por dar solucións técnicas ante a aparición de problemas.

BC4. Intervención nos sistemas e nos modelos de xestión da calidade aplicados á verificación e á calibración.

*Formalización dos rexistros de calidade.

*Conceptos fundamentais dos sistemas de xestión de calidade.

*Elementos da infraestrutura da calidade: normalización, certificación, calibración, ensaios, inspección e acreditación.

*Normas aplicables ao proceso inherente a esta figura profesional.

*Iniciativa persoal para achegar ideas e acordar procedementos.

1.1.2. Unidade formativa 2: ensaios destrutivos e non destrutivos.

*Código: MP0006_22.

*Duración: 50 horas.

1.1.2.1. Resultados de aprendizaxe e criterios de avaliación.

*RA1. Prepara instrumentos e equipamentos de ensaios destrutivos e non destrutivos, para o cal selecciona os útiles e aplica as técnicas e os procedementos requiridos.

-CA1.1. Describíronse conceptos relacionados cos ensaios destrutivos e non destrutivos.

-CA1.2. Describíronse as condicións de temperatura, humidade e limpeza que deben cumprir as pezas que se vaian medir e os equipamentos de medición, para proceder ao seu control.

-CA1.3. Comprobouse que a temperatura, a humidade e a limpeza dos equipamentos, das instalacións e das pezas cumpran os requisitos establecidos no procedemento de verificación.

-CA1.4. Comprobouse a calibración do instrumento de medida.

-CA1.5. Describíronse as características construtivas e os principios de funcionamento dos equipamentos.

-CA1.6. Valorouse a necesidade dun traballo ordenado e metódico na preparación dos equipamentos.

-CA1.7. Realizáronse as operacións de limpeza e mantemento necesarias para o seu correcto funcionamento.

*RA2. Controla características e propiedades do produto fabricado, mediante o cálculo do valor do parámetro e a comparación dos resultados coas especificacións do produto.

-CA2.1. Describíronse os esforzos que pode sufrir un material: tracción, compresión, flexión, torsión e corte.

-CA2.2. Describíronse as principais propiedades mecánicas dos materiais.

-CA2.3. Describíronse os ensaios destrutivos de tracción, compresión, dureza, resiliencia, fatiga, flexión e pregamento.

-CA2.4. Describíronse os ensaios non destrutivos de inspección visual, líquidos penetrantes, radiografías, ultrasóns, partículas magnéticas e correntes inducidas.

-CA2.5. Describíronse as máquinas e os instrumentos empregados nos ensaios destrutivos e non destrutivos, así como o procedemento.

-CA2.6. Relacionáronse os ensaios destrutivos e non destrutivos coas características que controlan.

-CA2.7. Explicáronse os erros máis característicos que se dan nos equipamentos e nas máquinas que se empregan nos ensaios, así como o xeito de os corrixir.

-CA2.8. Preparáronse e acondicionáronse as materias e as probetas necesarias para a execución dos ensaios.

-CA2.9. Executáronse algúns dos ensaios e obtivéronse os resultados coa precisión requirida.

-CA2.10. Interpretáronse os resultados obtidos e rexistráronse nos documentos de calidade.

-CA2.11. Aplicáronse as normas de prevención de riscos laborais e as de protección ambiental.

*RA3. Actúa consonte procedementos e normas de calidade asociadas ás competencias do perfil profesional, en relación cos sistemas e cos modelos de calidade.

-CA3.1. Explicáronse as características dos sistemas e dos modelos de calidade que afecten o proceso tecnolóxico deste perfil profesional.

-CA3.2. Describíronse os elementos da infraestrutura da calidade e, dentro desta, a figura dos laboratorios de ensaios.

-CA3.3. Identificáronse as normas e os procedementos afíns ao proceso de fabricación ou control.

-CA3.4. Describíronse as actividades que cómpre realizar para manter os sistemas ou os modelos de calidade, nos procesos de fabricación asociados ás competencias desta figura profesional.

-CA3.5. Formalizáronse os documentos asociados ao proceso.

-CA3.6. Valorouse a influencia das normas de calidade no conxunto do proceso.

1.1.2.2. Contidos básicos.

BC1. Preparación de pezas e medios para a realización de ensaios.

*Preparación de pezas para o seu ensaio.

*Condicións para realizar os ensaios.

*Calibración.

*Rigor na preparación.

BC2. Control de características do produto.

*Ensaios non destrutivos (END): inspección visual, líquidos penetrantes, radiografías, ultrasóns, partículas magnéticas e correntes inducidas.

*Ensaios destrutivos (ED): de tracción, compresión, dureza, resiliencia, fatiga, flexión e pregamento.

*Realización de ensaios.

*Equipamentos utilizados nos ensaios.

*Calibración e axuste de equipamentos de ensaios destrutivos e non destrutivos.

BC3. Intervención nos sistemas e nos modelos de xestión da calidade aplicados aos ensaios destrutivos e non destrutivos.

*Formalización dos rexistros de calidade.

*Conceptos fundamentais dos sistemas de xestión de calidade.

*Normas aplicables ao proceso inherente a esta figura profesional.

*Iniciativa persoal para achegar ideas e acordar procedementos.

1.1.3. Orientacións pedagóxicas.

Este módulo profesional contén a formación necesaria para desempeñar a función asociada a calidade.

Esta función abrangue aspectos como:

-Verificación das características do produto.

-Mantemento de instrumentos e equipamentos de medida e verificación.

As actividades profesionais asociadas a esta función aplícanse en:

-Mecanizado por arranque de material con máquinas ferramenta de corte.

-Mecanizado por conformación térmica e mecánica.

-Mecanizado por corte térmico e mecánico.

-Mecanizado con unións fixas e desmontables.

A formación do módulo contribúe a alcanzar os obxectivos xerais h) e m) do ciclo formativo e as competencias f), l) e m).

As liñas de actuación no proceso de ensino e aprendizaxe que permiten alcanzar os obxectivos do módulo versarán sobre:

-Calibración e mantemento dos instrumentos de verificación e dos equipamentos de ensaios.

-Aplicación dos procedementos de verificación e medida, realizando cálculos para a obtención das medidas dimensionais.

-Realización de ensaios para a determinación das propiedades dos produtos ou para o control das súas características.

As programacións didácticas que elabore o profesorado que imparta este módulo deberán establecer unha adecuada organización e secuencia dos resultados de aprendizaxe, criterios de avaliación e contidos que, pola súa transversalidade, sexan comúns a varias unidades formativas.

1.2. Módulo profesional: interpretación gráfica.

*Código: MP0007.

*Duración: 133 horas.

1.2.1. Resultados de aprendizaxe e criterios de avaliación.

*RA1. Determina a forma e as dimensións dos produtos que se van construír, interpretando a simboloxía representada nos planos de fabricación.

-CA1.1. Recoñecéronse os sistemas de representación gráfica.

-CA1.2. Describíronse os formatos de planos empregados en fabricación mecánica e explicáronse as súas partes: marxes, cadros de rotulación e sinais de centraxe e de orientación.

-CA1.3. Interpretouse o significado das liñas representadas no plano (arestas, eixes, auxiliares, etc.) e a relación entre elas (espazado, orde de prioridade, etc.).

-CA1.4. Describíronse as escalas gráficas e as escalas normalizadas empregadas en fabricación mecánica.

-CA1.5. Interpretouse a forma do obxecto representado nas vistas ou nos sistemas de representación gráfica.

-CA1.6. Identificáronse as seccións e os cortes representados nos planos.

-CA1.7. Interpretáronse as dimensións do obxecto representado e identificáronse os sistemas de cota.

-CA1.8. Interpretáronse as vistas, as seccións e os detalles dos planos, e determinouse a información contida nestes.

-CA1.9. Caracterizáronse as formas normalizadas do obxecto representado: roscas, soldaduras, entalladuras, etc.

-CA1.10. Identificáronse os termos en idiomas estranxeiros dos elementos normalizados.

-CA1.11. Interpretáronse os planos de conxunto e os despezamentos empregados na industria, así como a designación dos elementos normalizados na listaxe de pezas.

*RA2. Identifica os compoñentes dos produtos representados nos planos, determina as tolerancias de forma e dimensións e outras características de cada elemento que integra o produto, e analiza e interpreta a información técnica contida nos planos de fabricación.

-CA2.1. Identificáronse os elementos normalizados que formen parte do conxunto.

-CA2.2. Describíronse os tipos de axustes en relación coas tolerancias dimensionais.

-CA2.3. Interpretáronse as tolerancias dimensionais, xeométricas e superficiais de fabricación dos obxectos representados.

-CA2.4. Identificáronse os materiais do obxecto representado.

-CA2.5. Identificáronse os tratamentos térmicos e superficiais do obxecto representado.

-CA2.6. Determináronse os elementos de unión.

-CA2.7. Valorouse a influencia dos datos determinados na calidade do produto final.

*RA3. Realiza esbozos de útiles e ferramentas para a execución dos procesos, e define as solucións construtivas en cada caso.

-CA3.1. Seleccionouse o sistema de representación gráfica máis axeitado para representar a solución construtiva.

-CA3.2. Preparáronse os instrumentos de representación e os soportes necesarios para a realización dos esbozos, tanto de forma manual como empregando ferramentas de CAD.

-CA3.3. Realizouse manualmente o esbozo da solución construtiva dos útiles e das ferramentas, segundo as normas de representación gráfica.

-CA3.4. Realizáronse representacións gráficas da solución construtiva dos útiles e das ferramentas segundo as normas de representación gráfica, utilizando programas de CAD.

-CA3.5. Representáronse no esbozo a forma, as dimensións (cotas e tolerancias dimensionais, xeométricas e superficiais), os tratamentos, os elementos normalizados e os materiais.

-CA3.6. Realizouse un esbozo completo de xeito que permita o desenvolvemento e a construción dos útiles.

-CA3.7. Propuxéronse melloras dos útiles e das ferramentas dispoñibles.

*RA4. Interpreta esquemas de automatización de máquinas e equipamentos, e identifica os elementos representados en planos de instalacións pneumáticas, hidráulicas, eléctricas, programables e non programables.

-CA4.1. Interpretouse a simboloxía utilizada para representar elementos electrónicos, eléctricos, hidráulicos e pneumáticos.

-CA4.2. Relacionáronse os compoñentes utilizados en automatización cos símbolos do esquema da instalación.

-CA4.3. Identificáronse as referencias comerciais dos compoñentes da instalación e localizáronse os compoñentes nos catálogos de provedores ou en programas informáticos especializados.

-CA4.4. Identificáronse os valores de funcionamento da instalación e as súas tolerancias.

-CA4.5. Identificáronse as conexións e as etiquetas de conexión da instalación.

-CA4.6. Identificáronse os mandos de regulación do sistema.

1.2.2. Contidos básicos.

BC1. Determinación de formas e dimensións representadas en planos de fabricación.

*Interpretación de planos de fabricación.

*Normas de debuxo industrial.

*Planos de conxunto e despezamento.

*Vistas.

*Cortes e seccións.

*Cotas.

*Manexo de programas CAD.

*Representación de formas normalizadas: chavetas, roscas, guías, soldaduras, etc.

*Interpretación de planos de fabricación en idiomas estranxeiros.

BC2. Identificación de tolerancias de dimensións e formas, e outras características.

*Interpretación dos símbolos utilizados en planos de fabricación.

*Representación de tolerancias dimensionais, xeométricas e superficiais.

*Representación de elementos de unión.

*Representación de materiais.

*Representación de tratamentos térmicos, termoquímicos e electroquímicos.

BC3. Esbozamento de útiles e ferramentas.

*Técnicas de esbozamento a man alzada.

*Esbozamento a man alzada de solucións construtivas de ferramentas e útiles para procesos de fabricación.

*Esbozamento con programas de CAD de solucións construtivas de ferramentas e útiles para procesos de fabricación.

BC4. Interpretación de esquemas de automatización.

*Identificación de compoñentes en esquemas pneumáticos, hidráulicos, eléctricos e programables.

*Simboloxía de elementos pneumáticos, hidráulicos, eléctricos, electrónicos e programables.

*Simboloxía de conexións entre compoñentes.

*Etiquetas de conexións.

1.2.3. Orientacións pedagóxicas.

Este módulo profesional contén a formación necesaria para desempeñar as funcións de produción en fabricación mecánica.

A formación do módulo contribúe a alcanzar o obxectivo xeral a) e a competencia a).

As liñas de actuación no proceso de ensino e aprendizaxe que permiten alcanzar os obxectivos do módulo versarán sobre:

-Interpretación de información gráfica e técnica incluída nos planos de conxunto ou de fabricación, en esquemas de automatización, en catálogos comerciais e en calquera outro soporte que inclúa representacións gráficas.

-Proposta de solucións construtivas de elementos de suxeición e pequenos útiles representados mediante esbozo.

1.3. Módulo profesional: trazado, corte e conformación.

*Código: MP0091.

*Duración: 213 horas.

1.3.1. Unidade formativa 1: trazado, corte e conformación en chapa.

*Código: MP0091_12.

*Duración: 140 horas.

1.3.1.1. Resultados de aprendizaxe e criterios de avaliación.

*RA1. Organiza o seu traballo na execución do trazado, o corte e a conformación, e describe a secuencia das operacións.

-CA1.1. Estableceuse a secuencia das operacións de preparación das máquinas en función das características do proceso que se realice.

-CA1.2. Identificáronse as ferramentas, os útiles e os soportes de fixación de pezas.

-CA1.3. Relacionáronse as necesidades de materiais e de recursos en cada etapa.

-CA1.4. Explicáronse as medidas de seguridade exixibles no uso dos equipamentos de mecanizado.

-CA1.5. Determinouse a recolla selectiva de residuos.

-CA1.6. Identificáronse os equipamentos de protección individual para cada actividade.

-CA1.7. Obtivéronse os indicadores de calidade que cómpre ter en conta en cada operación.

*RA2. Prepara materiais, equipamentos e máquinas para trazar, cortar e conformar chapas, e define as súas funcións en relación coas formas ou as pezas que se queiran obter.

-CA2.1. Identificouse o material en función das súas dimensións e da súa calidade, segundo as instrucións de traballo.

-CA2.2. Identificáronse as máquinas, os equipamentos, as ferramentas, os patróns e os útiles necesarios para o trazado, o corte ou a conformación que se realice.

-CA2.3. Definíronse os materiais, as formas e as dimensións dos patróns e dos útiles en función do proceso de fabricación que se vaia empregar.

-CA2.4. Definíronse as funcións específicas de cada máquina ou equipamento.

-CA2.5. Programáronse máquinas de CNC segundo as especificacións do proceso, para obter as formas ou a peza requirida.

-CA2.6. Verificouse por simulación en baleiro a correcta execución do programa CNC.

-CA2.7. Montáronse e axustáronse os útiles de corte segundo especificacións do proceso.

-CA2.8. Interpretáronse as pautas de control que cómpre ter en conta en cada operación.

-CA2.9. Mantívose a área de traballo co grao axeitado de orde e limpeza.

-CA2.10. Actuouse con rapidez en situacións problemáticas.

*RA3. Traza desenvolvementos de formas xeométricas e interseccións sobre chapas, e determina as formas que se poden construír, aplicando as técnicas de trazado.

-CA3.1. Seleccionouse o procedemento gráfico en función das formas e das dimensións dos desenvolvementos xeométricos que se deban obter.

-CA3.2. Aplicáronse os procedementos gráficos para obter desenvolvementos de formas xeométricas.

-CA3.3. Seleccionáronse os instrumentos de trazar e marcar requiridos en cada caso.

-CA3.4. Deducíronse as correccións necesarias no trazado en función das deformacións que poidan sufrir os elementos no seu proceso construtivo.

-CA3.5. Trazouse tendo en conta as variables do proceso construtivo, a preparación de bordos, o tipo e a sangría do corte, e criterios de máximo aproveitamento do material.

-CA3.6. Verificouse que os trazados e as marcacións que se realizaron cumpran as especificacións definidas.

*RA4. Opera con equipamentos e máquinas de corte térmico en chapa, tanto convencionais como de control numérico, e identifica os parámetros que cómpre controlar en relación co produto que se deba obter.

-CA4.1. Seleccionáronse os procedementos de corte térmico en función dos resultados que se pretenda obter.

-CA4.2. Introducíronse os parámetros do proceso nas máquinas.

-CA4.3. Operouse cos equipamentos e cos medios para cortar chapa, e obtivéronse as formas e as dimensións coa calidade requirida e cumprindo as normas de uso.

-CA4.4. Aplicáronse as técnicas de corte térmico de elementos de construcións metálicas.

-CA4.5. Corrixíronse as desviacións do proceso manual ou, de ser o caso, automático, para o cal se actuou sobre a máquina, a ferramenta ou o programa de CN.

-CA4.6. Verificouse o axuste das características do elemento obtido ás especificacións técnicas.

-CA4.7. Describíronse as deformacións que se producen ao aplicar técnicas de corte en chapa.

-CA4.8. Identificáronse os defectos e, de ser o caso, relacionáronse coas súas causas.

-CA4.9. Despexouse a zona de traballo, e recolleuse o material e o equipamento empregado.

*RA5. Opera con equipamentos e máquinas de corte mecánico en chapa, tanto convencionais como de control numérico, e identifica os parámetros que cómpre controlar en relación co produto que se deba obter.

-CA5.1. Seleccionáronse os procedementos de corte mecánico en función dos resultados que se pretenda obter.

-CA5.2. Introducíronse os parámetros do proceso nas máquinas.

-CA5.3. Operouse cos equipamentos e cos medios para cortar chapa, e obtivéronse as formas e as dimensións coa calidade requirida e cumprindo as normas de uso.

-CA5.4. Aplicáronse as técnicas de corte mecánico de elementos de construcións metálicas.

-CA5.5. Corrixíronse as desviacións do proceso manual ou, de ser o caso, automático, para o cal se actuou sobre a máquina, a ferramenta ou o programa de control numérico.

-CA5.6. Verificouse o axuste das características do elemento obtido ás especificacións técnicas.

-CA5.7. Describíronse as deformacións que se producen ao aplicar técnicas de corte en chapa.

-CA5.8. Identificáronse os defectos e, de ser o caso, relacionáronse coas súas causas.

-CA5.9. Despexouse a zona de traballo, e recolleuse o material e o equipamento empregado.

*RA6. Opera con equipamentos e máquinas de punzamento en chapa, tanto convencionais como de control numérico, e identifica os parámetros que cómpre controlar en relación co produto que se deba obter.

-CA6.1. Seleccionáronse os procedementos de punzamento en función dos resultados que se pretendan obter.

-CA6.2. Introducíronse os parámetros do proceso nas máquinas.

-CA6.3. Operouse cos equipamentos e cos medios para punzar chapa, e obtivéronse as formas e as dimensións coa calidade requirida, cumprindo as normas de uso.

-CA6.4. Aplicáronse as técnicas de punzamento de elementos de construcións metálicas.

-CA6.5. Corrixíronse as desviacións do proceso manual ou, de ser o caso, automático, para o cal se actuou sobre a máquina, a ferramenta ou o programa de control numérico.

-CA6.6. Verificouse o axuste das características do elemento obtido ás especificacións técnicas.

-CA6.7. Describíronse as deformacións que se producen ao aplicar técnicas de punzamento en chapa.

-CA6.8. Identificáronse os defectos e, de ser o caso, relacionáronse coas súas causas.

-CA6.9. Despexouse a zona de traballo, e recolleuse o material e o equipamento empregado.

*RA7. Opera con equipamentos e máquinas de conformación térmica en chapa, tanto convencionais como de control numérico, e recoñece os parámetros que cómpre controlar en relación co produto que se queira obter.

-CA7.1. Seleccionáronse os procedementos de endereitamento e conformación térmica en función dos resultados que se pretenda obter.

-CA7.2. Operouse cos equipamentos e cos medios para conformar termicamente chapa, e obtivéronse as formas e as dimensións coa calidade requirida, cumprindo as normas de uso.

-CA7.3. Introducíronse os parámetros do proceso nas máquinas.

-CA7.4. Aplicáronse as técnicas de conformación térmica en chapas.

-CA7.5. Corrixíronse as desviacións do proceso manual ou, de ser o caso, automático, para o cal se actuou sobre a máquina, a ferramenta ou o programa de control numérico.

-CA7.6. Verificouse o axuste das características do elemento obtido ás especificacións técnicas.

-CA7.7. Describíronse as deformacións que se producen ao aplicar técnicas de liñas e puntos de calor a distintos elementos.

-CA7.8. Identificáronse defectos e, de ser o caso, relacionáronse coas súas causas.

-CA7.9. Despexouse a zona de traballo, e recolleuse o material e o equipamento empregados.

*RA8. Opera con equipamentos e máquinas de conformación mecánica en chapa, tanto convencionais como de control numérico, e identifica os parámetros que cómpre controlar en relación co produto que se queira obter.

-CA8.1. Seleccionáronse os procedementos de endereitamento e conformación mecánica en función dos resultados que se pretenda obter.

-CA8.2. Operouse cos equipamentos e cos medios para conformar mecanicamente chapas, e obtivéronse as formas e as dimensións coa calidade requirida, cumprindo as normas de uso.

-CA8.3. Introducíronse os parámetros do proceso nas máquinas.

-CA8.4. Aplicáronse as técnicas de conformación mecánica en chapas.

-CA8.5. Corrixíronse as desviacións do proceso manual ou, de ser o caso, automático, para o cal se actuou sobre a máquina, a ferramenta ou o programa de control numérico.

-CA8.6. Verificouse o axuste das características do elemento obtido ás especificacións técnicas.

-CA8.7. Identificáronse defectos e, de ser o caso, relacionáronse coas súas causas.

-CA8.8. Despexouse a zona de traballo, e recolleuse o material e o equipamento empregado.

*RA9. Realiza o mantemento de primeiro nivel das máquinas-ferramenta e os seus útiles, en relación coa súa funcionalidade.

-CA9.1. Describíronse as operacións de mantemento de primeiro nivel de ferramentas, máquinas e equipamentos.

-CA9.2. Localizáronse os elementos sobre os que cumpra actuar.

-CA9.3. Realizáronse desmontaxes e montaxes de elementos simples consonte o procedemento.

-CA9.4. Verificáronse e mantivéronse os niveis dos lubricantes.

-CA9.5. Recolléronse residuos de acordo coas normas de protección ambiental.

-CA9.6. Rexistráronse os controis e as revisións que se efectuarán para asegurar a rastrexabilidade das operacións de mantemento.

-CA9.7. Valorouse a importancia de realizar o mantemento de primeiro nivel nos tempos establecidos.

*RA10. Cumpre as normas de prevención de riscos laborais e de protección ambiental, e identifica os riscos asociados, así como as medidas e os equipamentos para os previr.

-CA10.1. Identificáronse os riscos e o nivel de perigo que supón a manipulación de materiais, ferramentas, útiles, máquinas e medios de transporte.

-CA10.2. Operouse coas máquinas respectando as normas de seguridade.

-CA10.3. Identificáronse as causas máis frecuentes de accidentes na manipulación de materiais, ferramentas e máquinas de corte e conformación.

-CA10.4. Describíronse os elementos de seguridade das máquinas (proteccións, alarmas, paros de emerxencia, etc.) e os equipamentos de protección individual (calzado, protección ocular, indumentaria, etc.) que se deben empregar nas operacións de trazado, corte e conformación.

-CA10.5. Relacionouse a manipulación de materiais, ferramentas e máquinas coas medidas de seguridade e protección persoal requiridas.

-CA10.6. Determináronse as medidas de seguridade e de protección persoal que se deben adoptar na preparación e na execución das operacións de trazado, corte e conformación.

-CA10.7. Identificáronse as fontes de contaminación do contorno ambiental.

-CA10.8. Valoráronse a orde e a limpeza das instalacións e dos equipamentos como primeiro factor de prevención de riscos.

1.3.1.2. Contidos básicos.

BC1. Organización do traballo.

*Distribución de cargas de traballo.

*Medidas de prevención e de tratamento de residuos.

*Calidade: normativa e catálogos.

*Planificación das tarefas.

*Valoración da orde e da limpeza durante as fases do proceso.

BC2. Preparación de materiais, equipamentos e máquinas.

*Interpretación dos documentos de traballo.

*Equipamentos, ferramentas e útiles de trazado, corte térmico e conformación.

*Valoración dos tempos das fases e das operacións do traballo.

*Montaxe e axuste das máquinas e dos útiles.

*Patróns e útiles para trazado e conformación.

*Patróns e útiles para fabricación, transporte e montaxe.

*Trazado e conformación dos patróns e dos útiles.

*Programación CNC.

*Manexo e uso do control numérico.

*Autoaprendizaxe. Procura de información. Identificación e resolución de problemas.

BC3. Trazado de desenvolvementos de formas xeométricas.

*Debuxo de desenvolvementos e interseccións de caldeiraría en chapa, por distintos procedementos.

*Marcación para a identificación de chapas.

*Variables do proceso de fabricación para ter en conta no trazado.

*Deformacións producidas no proceso construtivo e a súa consideración no trazado.

*Autonomía e iniciativa persoal. Proposta de alternativas e melloras.

BC4. Corte térmico.

*Interpretación do proceso de traballo e dos documentos dos equipamentos e das máquinas.

*Montaxe e fixación de pezas, útiles e accesorios.

*Aplicación de técnicas de corte térmico.

*Verificación das pezas.

*Actitude ordenada e metódica na realización das tarefas.

BC5. Corte mecánico.

*Interpretación do proceso de traballo, así como dos documentos dos equipamentos e das máquinas.

*Montaxe e fixación de pezas, útiles e accesorios.

*Aplicación de técnicas de corte mecánico.

*Verificación das pezas.

*Actitude ordenada e metódica na realización das tarefas.

BC6. Punzamento.

*Interpretación do proceso de traballo e dos documentos dos equipamentos e das máquinas.

*Montaxe e fixación de pezas, útiles e accesorios.

*Aplicación de técnicas de punzamento (corte e conformación).

*Verificación das pezas.

*Actitude ordenada e metódica na realización das tarefas.

BC7. Conformación térmica.

*Interpretación do proceso de traballo, así como dos documentos dos equipamentos e das máquinas.

*Montaxe e fixación de pezas, útiles e accesorios.

*Aplicación de técnicas de conformación térmica.

*Verificación das pezas.

*Actitude ordenada e metódica na realización das tarefas.

BC8. Conformación mecánica.

*Interpretación do proceso de traballo e dos documentos dos equipamentos e das máquinas.

*Montaxe e fixación de pezas, útiles e accesorios.

*Aplicación de técnicas de conformación mecánica.

*Verificación das pezas.

*Actitude ordenada e metódica na realización das tarefas.

BC9. Mantemento de máquinas de mecanizado.

*Engraxamento, niveis de líquidos e liberación de residuos.

*Técnicas e procedementos para a substitución de elementos simples.

*Plan de mantemento e documentos de rexistro.

*Planificación da actividade.

BC10. Prevención de riscos laborais e protección ambiental.

*Determinación das medidas de prevención de riscos laborais.

*Prevención de riscos laborais nas operacións de trazado, corte e conformación.

*Factores físicos do lugar de traballo.

*Factores químicos do lugar de traballo.

*Sistemas de seguridade aplicados ás máquinas de trazado, corte e conformación.

*Equipamentos de protección individual.

*Cumprimento da normativa de prevención de riscos laborais.

*Cumprimento da normativa de protección ambiental.

1.3.2. Unidade formativa 2: trazado, corte e conformación en perfís e tubaxes.

*Código: MP0091_22.

*Duración: 73 horas.

1.3.2.1. Resultados de aprendizaxe e criterios de avaliación.

*RA1. Organiza o seu traballo na execución do trazado, corte e conformación, e describe a secuencia das operacións.

-CA1.1. Estableceuse a secuencia das operacións de preparación das máquinas en función das características do proceso que se realice.

-CA1.2. Identificáronse as ferramentas, os útiles e os soportes de fixación de pezas.

-CA1.3. Relacionáronse as necesidades de materiais e de recursos en cada etapa.

-CA1.4. Explicáronse as medidas de seguridade exixibles no uso dos equipamentos de mecanizado.

-CA1.5. Determinouse a recolla selectiva de residuos.

-CA1.6. Identificáronse os equipamentos de protección individual para cada actividade.

-CA1.7. Obtivéronse os indicadores de calidade que cómpre ter en conta en cada operación.

*RA2. Prepara materiais, equipamentos e máquinas para trazar, cortar e conformar perfís e tubaxes, e define as súas funcións en relación coas formas ou as pezas que se queiran obter.

-CA2.1. Identificouse o material en función das súas dimensións e da súa calidade, segundo as instrucións de traballo.

-CA2.2. Identificáronse as máquinas, os equipamentos, as ferramentas, os patróns e os útiles necesarios para o trazado, o corte ou a conformación que se realice.

-CA2.3. Definíronse os materiais, as formas e as dimensións dos patróns e dos útiles en función do proceso de fabricación que se vaia empregar.

-CA2.4. Definíronse as funcións específicas de cada máquina ou equipamento.

-CA2.5. Montáronse e axustáronse os útiles de corte segundo especificacións do proceso.

-CA2.6. Interpretáronse as pautas de control que cómpre ter en conta en cada operación.

-CA2.7. Mantívose a área de traballo co grao axeitado de orde e limpeza.

-CA2.8. Actuouse con rapidez en situacións problemáticas.

*RA3. Traza desenvolvementos de formas xeométricas e interseccións sobre perfís comerciais e tubos, e determina as formas que se poden construír, aplicando as técnicas de trazado.

-CA3.1. Seleccionouse o procedemento gráfico en función das formas e das dimensións dos desenvolvementos xeométricos que se deban obter.

-CA3.2. Aplicáronse os procedementos gráficos para obter desenvolvementos de formas xeométricas

-CA3.3. Seleccionáronse os instrumentos de trazar e marcar requiridos en cada caso.

-CA3.4. Deducíronse as correccións necesarias no trazado en función das deformacións que poidan sufrir os elementos no seu proceso construtivo.

-CA3.5. Trazouse tendo en conta as variables do proceso construtivo, a preparación de bordos, o tipo e a sangría do corte, e criterios de máximo aproveitamento do material.

-CA3.6. Verificouse que os trazados e as marcacións que se realizaron cumpran as especificacións definidas.

*RA4. Opera con equipamentos e máquinas de corte térmico convencionais en perfís e tubaxes, e identifica os parámetros que hai que controlar en relación co produto que cumpra obter.

-CA4.1. Seleccionáronse os procedementos de corte térmico en función dos resultados que se pretenda obter.

-CA4.2. Introducíronse os parámetros do proceso nas máquinas.

-CA4.3. Operouse cos equipamentos e cos medios para cortar perfís e tubaxes, e obtivéronse as formas e as dimensións coa calidade requirida, consonte as normas de uso.

-CA4.4. Aplicáronse as técnicas de corte térmico en perfís e tubaxe industrial.

-CA4.5. Corrixíronse as desviacións do proceso manual ou, de ser o caso, automático, para o cal se actuou sobre a máquina ou a ferramenta.

-CA4.6. Verificouse o axuste das características do elemento obtido coas especificacións técnicas.

-CA4.7. Describíronse as deformacións que se producen ao aplicar técnicas de corte a distintos elementos.

-CA4.8. Identificáronse os defectos e, de ser o caso, relacionáronse coas súas causas.

-CA4.9. Despexouse a zona de traballo, e recolleuse o material e o equipamento empregado.

*RA5. Opera con equipamentos e máquinas de corte mecánico en perfís e tubaxes, tanto convencionais como de control numérico, e identifica os parámetros que cómpre controlar en relación co produto que se deba obter.

-CA5.1. Seleccionáronse os procedementos de corte mecánico en función dos resultados que se pretenda obter.

-CA5.2. Introducíronse nas máquinas os parámetros do proceso.

-CA5.3. Operouse cos equipamentos e cos medios para cortar perfís e tubaxes, e obtivéronse as formas e as dimensións coa calidade requirida, conforme as normas de uso.

-CA5.4. Aplicáronse as técnicas de corte mecánico en perfís e tubaxe industrial.

-CA5.5. Corrixíronse as desviacións do proceso manual ou, de ser o caso, automático, para o cal se actuou sobre a máquina ou a ferramenta, ou o programa de control numérico.

-CA5.6. Verificouse o axuste das características do elemento obtido ás especificacións técnicas.

-CA5.7. Describíronse as deformacións que se producen ao aplicar técnicas de corte a distintos elementos.

-CA5.8. Identificáronse os defectos e, de ser o caso, relacionáronse coas súas causas.

-CA5.9. Despexouse a zona de traballo, e recolleuse o material e o equipamento empregado.

*RA6. Opera con equipamentos e máquinas de punzamento en perfís e tubaxes, tanto convencionais como de control numérico, e identifica os parámetros que hai que controlar en relación co produto que cumpra obter.

-CA6.1. Seleccionáronse os procedementos de punzamento en función dos resultados que se pretenda obter.

-CA6.2. Introducíronse os parámetros do proceso nas máquinas.

-CA6.3. Operouse cos equipamentos e cos medios para punzar perfís e tubaxes, e obtivéronse as formas e as dimensións coa calidade requirida, consonte as normas de uso.

-CA6.4. Aplicáronse as técnicas de punzamento de elementos de construcións metálicas.

-CA6.5. Corrixíronse as desviacións do proceso manual ou, de ser o caso, automático, para o cal se actuou sobre a máquina, a ferramenta ou o programa de control numérico.

-CA6.6. Verificouse o axuste das características do elemento obtido ás especificacións técnicas.

-CA6.7. Describíronse as deformacións que se producen ao aplicar técnicas de punzamento en perfís e tubaxes.

-CA6.8. Identificáronse os defectos e, de ser o caso, relacionáronse coas súas causas.

-CA6.9. Despexouse a zona de traballo, e recolleuse o material e o equipamento empregado.

*RA7. Opera con equipamentos e máquinas de conformación térmica en perfís e tubaxes, e recoñece os parámetros que cómpre controlar en relación co produto que se queira obter.

-CA7.1. Seleccionáronse os procedementos de endereitamento e conformación térmica en función dos resultados que se pretenda obter.

-CA7.2. Operouse cos equipamentos e cos medios para conformar termicamente perfís e tubaxes, e obtivéronse as formas e as dimensións coa calidade requirida e cumprindo as normas de uso.

-CA7.3. Introducíronse os parámetros do proceso nas máquinas.

-CA7.4. Aplicáronse as técnicas de conformación térmica en perfís e tubaxe industrial.

-CA7.5. Corrixíronse as desviacións do proceso manual ou, de ser o caso, automático, para o cal se actuou sobre a máquina ou a ferramenta.

-CA7.6. Verificouse o axuste das características do elemento obtido ás especificacións técnicas.

-CA7.7. Describíronse as deformacións que se producen ao aplicar técnicas de liñas e puntos de calor a distintos elementos.

-CA7.8. Identificáronse defectos e, de ser o caso, relacionáronse coas súas causas.

-CA7.9. Despexouse a zona de traballo, e recolleuse o material e o equipamento empregados.

*RA8. Opera con equipamentos e máquinas de conformación mecánica en perfís e tubaxes, tanto convencionais como de control numérico, e identifica os parámetros que cómpre controlar en relación co produto que se queira obter.

-CA8.1. Seleccionáronse os procedementos de endereitamento e conformación mecánica en función dos resultados que se pretenda obter.

-CA8.2. Operouse cos equipamentos e cos medios para conformar mecanicamente perfís e tubaxes, e obtivéronse as formas e as dimensións coa calidade requirida, cumprindo as normas de uso.

-CA8.3. Introducíronse os parámetros do proceso nas máquinas.

-CA8.4. Aplicáronse as técnicas de conformación mecánica en perfís e tubaxe industrial.

-CA8.5. Corrixíronse as desviacións do proceso manual ou, de ser o caso, automático, para o cal se actuou sobre a máquina, a ferramenta ou o programa de control numérico.

-CA8.6. Verificouse o axuste das características do elemento obtido ás especificacións técnicas.

-CA8.7. Identificáronse defectos e, de ser o caso, relacionáronse coas súas causas.

-CA8.8. Despexouse a zona de traballo, e recolleuse o material e o equipamento empregado.

*RA9. Realiza o mantemento de primeiro nivel das máquinas-ferramenta e os seus útiles, en relación coa súa funcionalidade.

-CA9.1. Describíronse as operacións de mantemento de primeiro nivel de ferramentas, máquinas e equipamentos.

-CA9.2. Localizáronse os elementos sobre os cales cumpra actuar.