Talleres Acesán, S.L. solicitou deste concello licenza municipal de actividade para taller de caldeiraría e tratamentos superficiais: pintura, chorreado e metalizado que se situará no polígono industrial de Pena Porreira, parcela A9-1. Cumprindo co disposto no punto 3º do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por período de vinte días hábiles contados desde o seguinte ao da inserción deste anuncio no BOP ou DOG, co fin de que poida examinarse o expediente no negociado de licenzas de actividades deste concello e formularse por escrito as reclamacións e/ou observacións que se consideren oportunas.
As Pontes de García Rodríguez, 15 de marzo de 2010.
Marcelino Pena Franco
Concelleiro delegado