Por Resolución do 11 de marzo de 2010 aprobouse o expediente de contratación mediante procedemento aberto e varios criterios de valoración, incluído o prego de cláusulas administrativas e de prescricións técnicas para a contratación da obra de reforma da cuberta, pavimento e vestiarios do pavillón de Carballedo, financiada polo Fondo Estatal para o Emprego e a Sustentabilidade Local do Goberno de España (R.D. lei 13/2009).
Publicado o anuncio da licitación da obra no Diario Oficial de Galicia nº 55, do 23 de marzo de 2010, pendente a súa publicación no BOP de Pontevedra, detectouse un erro na cláusula XVII, base 6 da licitación, do prego de cláusulas administrativas, referido aos criterios de valoración. En virtude do artigo 105 da Lei 30/1992, corríxese este erro mediante resolución da alcaldía do 25 de marzo de 2010, que corrixe o prego que rexe esta contratación, publícase de novo, e ábrese un novo prazo de 13 días naturais desde o día seguinte da última publicación deste anuncio no BOP ou no DOG para a presentación de ofertas.
Cotobade, 25 de marzo de 2010.
Manoel Loureiro Adán
Alcalde