Ana María Carrasco García, secretaria xudicial do Xulgado do Social número catro da Coruña, fago saber que no procedemento de demanda 933/2009 deste xulgado do social, seguidos por instancia de Juan José Castiñeira Castiñeira contra a empresa Clave Escoplo, S.L., sobre despedimento, ditouse resolución do teor literal seguinte:

«Ditamino que, estimando a demanda interposta por Juan José Castiñeira Castiñeira, contra a empresa Clave Escoplo, S.L. debo condenar e condeno a empresa Clave Escoplo, S.L., debo declarar e declaro improcedente o despedimento efectuado ao demandante, condenando a demandada a que, no prazo de cinco días desde a data da notificación da sentenza, opte entre a readmisión inmediata do demandante, nas mesmas condicións que posuía con anterioridade, ou o aboamento dunha indemnización de 19.607,14 euros máis, en ambos os casos, o aboamento dos salarios de tramitación desde a data do despedimento ata a notificación desta resolución, que ascende a 8.318,67 euros diarios.

Notifíquese esta resolución ás partes ás que se fará saber que contra ela só cabe recurso de suplicación ante o Tribunal Superior de Xustiza de Galicia, debendo anuncialo ante este xulgado no prazo de cinco días contado a partir da notificación da sentenza, e no propio termo se o recorrente non goza do beneficio de xustiza gratuíta deberá, ao anunciar o recurso, entregar xustificante acreditativo de ter consignado a cantidade obxecto da condena na conta de depósitos e consignacións que este xulgado ten aberta no Banesto desta cidade.

E, igualmente, deberá no momento de interpoñer o recurso consignar a suma de 150,25 euros en concepto de depósito especial para recorrer na conta.

Así, por esta miña sentenza, definitivamente xulgando en primeira instancia, pronúncioo, mándoo e asínoo».

E para que lle sirva de notificación en legal forma a Clave Escoplo, S.L., en ignorado paradoiro, expido esta cédula para a súa inserción no Diario Oficial de Galicia.

Advírtese ao destinatario que as seguintes comunicacións se farán nos estrados deste xulgado, agás as que revistan forma de auto ou sentenza, ou se trate de emprazamento.

Na Coruña o vinte e dous de febreiro de dous mil dez.

Ana María Carrasco García

Secretaria xudicial