No Diario Oficial de Galicia nº 21, do 30 de xaneiro de 2009, publicouse o Decreto 13/2009, do 29 de xaneiro, de medidas urxentes para a reparación dos danos causados polo temporal acaecido en Galicia a partir do 23 de xaneiro.

Ao abeiro daquel decreto, a Orde do 30 de xaneiro de 2009 da Consellería de Política Territorial, Obras Públicas e Transportes establece as bases reguladoras e anuncia a convocatoria pública de subvencións para compensar os danos sufridos en establecementos comerciais, mercantís, industriais, turísticos e deportivos, situados en instalacións portuarias de titularidade autonómica como consecuencia dos estragos producidos polo temporal acaecido en Galicia os días 23 e 24 de xaneiro de 2009.

De conformidade co artigo 19.4º e 26 da Lei 9/2007, do 13 de xuño, de subvencións de Galicia, e polo establecido na Lei 38/2003, do 17 de novembro, xeral de subvencións; e na Lei de réxime financeiro e orzamentario de Galicia, texto refundido aprobado polo Decreto lexislativo 1/1999, do 7 de outubro, e coa referida Orde do 30 de xaneiro de 2009, procédese á publicación das axudas concedidas.

Así mesmo, conforme co disposto no artigo 7 da citada Orde do 30 de xaneiro de 2009, a competencia para resolver e, polo tanto, para ordenar a publicación das axudas concedidas correspóndelle ao presidente do ente público Portos de Galicia, logo da proposta de resolución que será emitida polo director do ente público.

Á vista das solicitudes e documentación recibida, formúlase a seguinte proposta de resolución.

Primeiro.-Conceder as axudas que se relacionan no anexo desta resolución, consonte cos seguintes criterios de adxudicación:

Finalidade da axuda: as subvencións concedidas ao abeiro da Orde do 30 de xaneiro de 2009 van destinadas a paliar os danos sufridos en establecementos comerciais, mercantís, industriais, turísticos e deportivos, situados en instalacións portuarias de titularidade autonómica como consecuencia dos estragos producidos polo temporal acaecido en Galicia os días 23 e 24 de xaneiro de 2009.

Norma reguladora: Orde do 30 de xaneiro de 2009 da Consellería de Política Territorial, Obras Públicas e Transportes, pola que se establecen as bases reguladoras e se anuncia a convocatoria pública de subvencións para compensar os danos sufridos en establecementos comerciais, mercantís, industriais, turísticos e deportivos, situados en instalacións portuarias de titularidade autonómica como consecuencia dos estragos producidos polo temporal acaecido en Galicia os días 23 e 24 de xaneiro de 2009 (DOG do 3 de febreiro).

Crédito orzamentario máximo e comprometido: 600.000 €.

Persoas físicas e xurídicas beneficiarias das subvencións e importe das axudas concedidas a cada un deles expresado en euros, por orde cronolóxica: véxase anexo.

Segundo.-O pagamento das axudas económicas farase unha vez realizada a debida xustificación no caso de non ter achegado esta coa solicitude. Esta efectuarase de xeito individualizado, segundo a cantidade asignada polo órgano concedente, e en todo caso co prazo límite de xustificación consignado e previsto no capítulo respectivo de cada modalidade de subvención, tal e como se prevé no artigo 9 da Orde do 30 de xaneiro de 2009.

O incumprimento total ou parcial por parte dos beneficiarios das bases establecidas na resolución da convocatoria suporá a perda do dereito a percibir a subvención correspondente; así mesmo, a non entrega da documentación específica sinalada no clausulado da convocatoria será causa de revogación da cantidade asignada, polo que se deberá proceder ao reintegro das contías percibidas, de ser o caso, e sen prexuízo das responsabilidades que se lles puidesen exixir.

Terceiro.-As solicitudes xa presentadas en Portos de Galicia ata a actualidade e non incluídas expresamente nesta resolución de concesión entenderanse denegadas ou desestimadas, de conformidade co previsto no artigo 23.3º da Lei 9/2007, do 13 de xuño, de subvencións de Galicia.

Cuarto.-Contra esta resolución de concesión de axudas, que esgota a vía administrativa, os interesados poderán interpor recurso potestativo de reposición no prazo dun mes, contado desde o día seguinte á data da súa publicación no DOG ou ao da súa notificación, ante o mesmo órgano que a ditou, de acordo co disposto na Lei 30/1992, do 26 de novembro, de réxime xurídico das administracións públicas e do procedemento administrativo común, na súa redacción dada pola Lei 4/1999, do 13 de xaneiro, ou interpor o recurso contencioso-administrativo ante a xurisdición contencioso-administrativa, no prazo de dous meses, ante o Xulgado do Contencioso-Administrativo de Santiago de Compostela.

Santiago de Compostela, 5 de xaneiro de 2010.

José Manuel Álvarez-Campana Gallo

Presidente de Portos de Galicia

Ver referencia pdf "04300D003P012.PDF"