Advertidos erros na referida orde, publicada no Diario Oficial de Galicia nº 5, do 11 de xaneiro de 2010, cómpre facer as seguintes correccións:
Un.-Na páxina 254, no punto cuarto, segundo parágrafo, onde di:
«No momento en que polo exercicio da fiscalización previa de carácter pleno realizada en aplicación do parágrafo anterior se constate a desaparición do suposto previsto no anterior parágra, a Intervención Xeral foda comunidade autónoma propoñerá á conselleira de Facenda a elevación ao Consello da Xunta de Galicia dun acordo para a restitución do exercicio da fiscalización limitada previa».
Debe dicir:
«No momento en que polo exercicio da fiscalización previa de carácter pleno realizada en aplicación do parágrafo anterior se constate a desaparición do suposto previsto no anterior parágrafo, a Intervención Xeral da comunidade autónoma propoñerá á conselleira de Facenda a elevación ao Consello da Xunta de Galicia dun acordo para a restitución do exercicio da fiscalización limitada previa».
Dous.-Na páxina 257, no punto oitavo, VI,1, 1.1, B-1,d), onde di:
«Cando, de acordo coa normativa, non se constituíse mesa de contratación, e que, de ser o caso, exista conformidade de que a clasificación concedida ao contratista resultante da adxudicación provisional coincide coa exixida no prego de cláusulas administrativas particulares».
Debe dicir:
«Cando, de acordo coa normativa, non se constituíse mesa de contratación, que, de ser o caso, exista conformidade de que a clasificación concedida ao contratista resultante da adxudicación provisional coincide coa exixida no prego de cláusulas administrativas particulares».
Tres.-Na páxina 257, no punto oitavo, VI,1, 1.5 e), onde di:
«Cando a certificación de obra inclúa revisión de prezos, para o seu aboamento, comprobarase que se cumpren os requisitos exixidos polo artigo 77.1º e 2º da Lei de contratos do sector público e que no está expresamente excluída a posibilidade de revisión no prego de cláusulas administrativas particulares nin no contrato».
Debe dicir:
«Cando a certificación de obra inclúa revisión de prezos, para o seu aboamento, comprobarase que se cumpren os requisitos exixidos polo artigo 77.1º e 2º da Lei de contratos do sector público e que non está expresamente excluída a posibilidade de revisión no prego de cláusulas administrativas particulares nin no contrato».
Catro.-Na páxina 263, no punto oitavo, IX,1, 1.2, onde di:
«No caso de que o acordo marco se concluíra con máis dun empresario e non todos os termos estean establecidos no acordo, comprobaranse que solicita oferta por escrito a todos os empresarios ou, se é o caso, a un mínimo de tres».
Debe dicir:
«No caso de que o acordo marco se concluíra con máis dun empresario e non todos os termos estean establecidos no acordo, comprobarase que se solicitaron ofertas por escrito a todos os empresarios ou, se é o caso, a un mínimo de tres».
Quinto.-Na páxina 268, no punto oitavo, XIV,2, 2.4 b), onde di:
«Se é o caso, que se achegueporte factura a empresa adxudicataria de acordo co previsto no Real decreto 1496/2003, do 28 de novembro, que aproba o Regulamento que regula as obrigas de facturación e se modifica o Regulamento do imposto sobre o valor engadido».
Debe dicir:
«Se é o caso, que achegue factura a empresa adxudicataria de acordo co previsto no Real decreto 1496/2003, do 28 de novembro, que aproba o Regulamento que regula as obrigas de facturación e modifica o Regulamento do imposto sobre o valor engadido».
Sexto.-Na páxina 269, no punto oitavo, XVII, 1,1.1 a), onde di:
«No caso de que a convocatoria se tramite independentemente das bases reguladoras, comprobarase que sobre as bases se emitiu informe favorable e que foron publicadas no DOG».
Debe dicir:
«No caso de que a convocatoria se tramite independentemente das bases reguladoras, comprobarase que as bases recibiron informe favorable e se publicaron no DOG».
Sétimo.-Na páxina 269, no punto oitavo, XVII, 1,1.1 d), onde di:
«No caso de subvencións plurianuais, verificarase que na convocatoria se estableza a contía máxima para conceder e a súa distribución por anualidades, dentro dos límites fixados pola normativa vixente, atendendo ao momento en que se teña previsto realizar o gasto susceptible de xustificación».
Debe dicir:
«No caso de subvencións plurianuais, verificarase que na convocatoria se estableza a contía máxima a conceder e a súa distribución por anualidades, dentro dos límites fixados pola normativa vixente, atendendo ao momento en que se teña previsto realizar o gasto susceptible de xustificación».