Por Orde do 20 de febreiro de 2009 (DOG número 43, do 3 de marzo) a Consellería de Presidencia, Administracións Públicas e Xustiza convocou a XVIII edición do Premio Manuel Colmeiro, orientado a distinguir estudos sobre a Administración pública de Galicia.

Vista a proposta formulada por un xurado especial e de conformidade coa base oitava da convocatoria,

RESOLVO:

Primeiro.-Declarar deserta a adxudicación da XVIII edición do Premio Manuel Colmeiro, orientado a distinguir estudos sobre a Administración pública de Galicia.

Segundo.-A composición nominal do xurado foi a seguinte:

Presidente: Pablo Figueroa Dorrego, director da Escola Galega de Administración Pública.

Vogais: Jesús Martínez Girón, catedrático de dereito do traballo e da seguridade social do Departamento de Dereito Público Especial da Facultade Dereito da Universidade da Coruña; Miguel Ángel Pérez Álvarez, catedrático de dereito civil do Departamento de Dereito Privado da Facultade de Dereito da Universidade da Coruña; José Antonio Redondo López, catedrático de economía financeira e contabilidade da Facultade de Ciencias Económicas e Empresariais da Universidade de Santiago de Compostela; e Juan Jesús Raposo Arceo, profesor titular do Departamento de Dereito Civil da Escola Universitaria de Estudos Empresariais da Universidade da Coruña.

Secretaria: Mª Lucía Portela Silva, xefa do Servizo de Estudos, Investigación e Publicacións da Escola Galega de Administración Pública.

Terceiro.-Contra esta resolución, que pon fin á vía administrativa, as persoas interesadas poderán interpor recurso potestativo de reposición ante o director da Escola Galega de Administración Pública no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 4/1999 que modifica a Lei 30/1992, ou ben directamente recurso contencioso-administrativo no prazo de dous meses ante o Tribunal Superior de Xustiza de Galicia.

Santiago de Compostela, 29 de decembro de 2009.

Pablo Figueroa Dorrego

Director da Escola Galega de Administración Pública