De conformidade co establecido no artigo 18 da Lei 38/2003, do 17 de novembro, xeral de subvencións; no artigo 15 da Lei 9/2007, do 13 de xuño, de subvencións de Galicia, e no artigo décimo sexto da Orde do 18 de agosto de 2009, pola que se establecen as bases e se convoca a II edición dos premios a procesos de implantación da Axenda 21 escolar en Galicia en centros educativos públicos, resolvo facer pública, a través do Diario Oficial de Galicia, a concesión dos citados premios en virtude de resolución do director xeral de Sustentabilidade e Paisaxe do 27 de novembro de 2009 ditada por delegación do conselleiro de Medio Ambiente, Territorio e Infraestruturas (Orde do 18 de agosto), facendo constar os seguintes extremos:
Convocatoria: Orde do 18 de agosto de 2009, pola que se establecen as bases e se convoca a II edición dos premios a procesos de implantación da Axenda 21 escolar en Galicia (Diario Oficial de Galicia nº 167, do 26 de agosto de 2009, páxina 13.963).
Aplicación orzamentaria: 43.06.541.E.640.5 dos orzamentos da Comunidade Autónoma de Galicia para 2009.
Crédito orzamentario: 45.000 .
Finalidade dos premios: recoñecer publicamente e recompensar a implementación do desenvolvemento sustentable no ámbito do ensino público.
Relación de beneficiarios e premios concedidos:
Centros educativos públicos de niveis non universitarios dependentes da Consellería de Educación e Ordenación Universitaria: ver anexo.
Santiago de Compostela, 27 de novembro de 2009.
P.D. (Orde 18-8-2009)
Manuel Borobio Sanchiz
Director xeral de Sustentabilidade e Paisaxe
Ver referencia pdf "00100D003P006.PDF"