De conformidade co establecido no artigo 18 da Lei 38/2003, do 17 de novembro, xeral de subvencións; no artigo 15 da Lei 9/2007, do 13 de xuño, de subvencións de Galicia, e na base reguladora décimo terceira da Orde do 19 de decembro de 2008, pola que se aproban as bases reguladoras e a convocatoria dos premios a experiencias curriculares no proxecto Climántica 2008-2009, resolvo facer pública, a través do Diario Oficial de Galicia, a concesión dos citados premios en virtude de resolución do director xeral de Sustentabilidade e Paisaxe do 27 de novembro de 2009 ditada por delegación do conselleiro de Medio Ambiente, Territorio e Infraestruturas (Orde do 19 de decembro de 2008), facendo constar os seguintes extremos:

Convocatoria: Orde do 19 de decembro de 2008, pola que se aproban as bases reguladoras e a convocatoria dos premios a experiencias curriculares no proxecto Climántica 2008-2009 (Diario Oficial de Galicia nº 251, do 29 de decembro de 2008, páxina 23.249).

Aplicación orzamentaria: 43.06.541.E.640.1 dos orzamentos da Comunidade Autónoma de Galicia para 2009.

Crédito orzamentario: 45.000 €.

Finalidade dos premios: recoñecer o grao de desenvolvemento do proxecto Climántica, promovido pola Consellería de Medio Ambiente, Territorio e Infraestruturas e a Consellería de Educación e Ordenación Universitaria.

Santiago de Compostela, 27 de novembro de 2009.

P.D. (Orde 19-12-2008)

Manuel Borobio Sanchiz

Director xeral de Sustentabilidade e Paisaxe

Ver referencia pdf "00100D003P006.PDF"