A Lei 27/1992, do 24 de novembro, de portos do Estado e da mariña mercante, texto reformado pola Lei 62/1997, do 26 de decembro, no seu artigo 40, atribúelles ás comunidades autónomas as facultades de designación e separación dos vogais dos consellos de administración das autoridades portuarias de interese do Estado situadas no seu territorio, que deberán facerse necesariamente por proposta das administracións públicas e entidades e organismos representados no consello de administración.
O acordo do Consello da Xunta de Galicia do 10 de xaneiro de 2002, modificado polo do 6 de xuño de 2002, faculta o titular da consellería competente en materia de portos para o exercicio das devanditas competencias.
Polo exposto, en exercicio da facultade atribuída,
DISPOÑO:
Por proposta do presidente de Portos do Estado, a renovación do mandato de Francisco Veloso Cermeño como vogal do Consello de Administración da Autoridade Portuaria de A Coruña e en representación da Administración xeral do Estado.
Por proposta do presidente da Federación Comarcal de Empresarios de Arousa (Feca), a renovación do mandato de Luis García-Reboredo Mendoza como vogal do Consello de Administración da Autoridade Portuaria de Vilagarcía de Arousa e a súa ría en representación da Federación Comarcal de Empresarios de Arousa (Feca).
Santiago de Compostela, 25 de novembro de 2009.
Rosa María Quintana Carballo
Conselleira do Mar