DOG 237 do 03/12/2009 - DECRETO 428/2009, do 2 de decembro, polo que se lle encarga o despacho de asuntos da Presidencia, durante a ausencia do seu titular, ao conselleiro de Presidencia, Administracións Públicas e Xustiza.

II. AUTORIDADES E PERSOAL

SUBSTITUCIÓNS:

PRESIDENCIA

DECRETO 428/2009, do 2 de decembro, polo que se lle encarga o despacho de asuntos da Presidencia, durante a ausencia do seu titular, ao conselleiro de Presidencia, Administracións Públicas e Xustiza.

Con motivo da ausencia do presidente da Xunta de Galicia, é necesario prover a substitución durante o tempo desta.

Polo tanto, en uso das atribucións que me confire o artigo 26.7º da Lei 1/1983, do 22 de febreiro, de normas reguladoras da Xunta e da súa Presidencia,

DISPOÑO:

Artigo único.-Encomendarlle ao conselleiro de Presidencia, Administracións Públicas e Xustiza o encargo do despacho da Presidencia desde o día 3 ata o día 8 de decembro de 2009 ambos os dous incluídos.

Santiago de Compostela, dous de decembro de dous mil nove.

Alberto Núñez Feijóo

Presidente