Pola Orde do 3 de xuño de 2009 (DOG do 12 de xuño), publicáronse as bases para a concesión, en réxime de concorrencia competitiva, das subvencións correspondentes ao Programa de promoción xeral de investigación do Plan Galego de Investigación, Desenvolvemento e Innovación Tecnolóxica (Incite). No anexo II da citada orde establécense as bases para a concesión das axudas para proxectos de investigación básica.

De conformidade co disposto no artigo 11 da Orde do 3 xuño citada, vista a proposta de resolución formulada polo director xeral de Investigación, Desenvolvemento e Innovación, e tendo en conta as dispoñibilidades orzamentarias, esta consellería

RESOLVE:

Primeiro.

1. Conceder as axudas para proxectos de investigación básica, nas contías que se sinalan, aos solicitantes que se relacionan no anexo I desta resolución, por importe total de cinco millóns oitocentos vinte e cinco mil cincuenta e sete euros (5.825.057 €), coa seguinte distribución por aplicacións orzamentarias:

Ver referencia pdf "23500D004P012.PDF"

2. No anexo II publícase unha lista de agarda na cal se relacionan, por orde de prioridade, as solicitudes que foron consideradas suplentes. A súa concesión queda condicionada a que se produzan baixas nas solicitudes concedidas ou a que se produza un incremento dos créditos orzamentarios destinados a estas subvencións.

3. Para poder percibir as axudas será preciso presentar a documentación indicada nos artigos 6 e 7 do anexo da Orde do 3 de xuño de 2009 (DOG nº 114, do 12 de xuño). A dita documentación deberá axustarse aos modelos que se publicarán na páxina web http://economiaeindustria.xunta.es/dxidi.

Segundo.

A Dirección Xeral de Investigación, Desenvolvemento e Innovación adoptará as medidas necesarias para a instrución dos correspondentes expedientes de gasto.

Terceiro.

A inobservancia por parte dos beneficiarios de calquera das bases establecidas na orde de convocatoria suporá a perda do dereito a percibir a subvención correspondente.

Cuarto.

Contra esta resolución, que esgota a vía administrativa, poderá interpoñerse, potestativamente, recurso de reposición perante o conselleiro de Economía e Industria no prazo dun mes contado a partir do día seguinte ao da publicación desta resolución no Diario Oficial de Galicia, ou, directamente, recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados dende a mesma data.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 23 de novembro de 2009.

P.D. (Orde 30-4-2009; DOG nº 87)

José Riesgo Boluda

Secretario xeral da Consellería de Economía

e Industria

Ver referencia pdf "23500D004P012.PDF"