Con data do 30 de setembro a Consellería de Cultura e Turismo remitiu á Consellería de Facenda os expedientes de doazón de bens propiedade de Francisco Escudero, Muga-Arqueocota, S.L., Ana e Camino Adrio Montoussé, Francisco Xavier Álvarez Campos, José Carlos Rodríguez Villamarín, José Luis Chao Rey, Olimpio Liste Regueiro, Benito Hermida Atrio, Antonio Graña Graña e Juan A. Bande Alonso, en representación da Asociación de Amigos do Museo Etnolóxico e do Conxunto Histórico de Ribadavia.
A Secretaría Xeral e do Patrimonio tramitou o expediente de aceptación, logo do respectivo informe favorable da Comisión Superior de Valoración de Bens Culturais de Interese para Galicia.
De acordo co disposto no artigo 17.1º da Lei 3/1985, do 12 de abril, do patrimonio da Comunidade Autónoma de Galicia, e 34.1º do Regulamento aprobado polo Decreto 50/1989, do 9 de marzo, a adquisición pura e simple de bens a título gratuíto ou lucrativo requirirá decreto do Consello da Xunta, por proposta da Consellería de Facenda.
Na súa virtude, por proposta da conselleira de Facenda, e logo da deliberación do Consello da Xunta de Galicia na súa reunión do día doce de novembro de dous mil nove,
DISPOÑO:
Artigo único.-Aceptar nos termos establecidos polos/as doadores/as as seguintes doazóns dos bens que a seguir se relacionan:
1. Doador: Francisco Escudero.
-Obxecto: gravado.
Autor: J.F. Leonardo.
Título: Retrato da imaxe milagreira de Nosa Señora de Roncesvalles.
Cronoloxía: prancha: finais XVII-principios XVIII. Retocada en 1790 e en 1880. Impresión: post. 1880.
Técnica/materia: papel. Gravado ou buril con prancha calcográfica.
Dimensións/características: folla: 44,00×34,00 cm. Impresión: 30,50×22,70.
Valoración: 1.000 .
-Obxecto: dúas cenefas de carácter litúrxico.
Autor/escola: obradoiro hispano.
Título: 1.-San Paulo/2.-A Virxe, San Xoán e Santiago o Maior.
Cronoloxía: ca. 1600.
Técnica/materia: veludo, seda e fíos de ouro. Bordado.
Medidas: 1.-93,70×24 cm. 2.-105×20,90 cm.
Valoración: 1.000 cada un (total 2.000 ).
2. Doador: Muga-Arqueocota, S.L.
Obxecto: maqueta.
Autor/escola: Juan Manuel Muñoz Gambero (Muga-Arqueocota, S.L.).
Tema: maqueta do Pórtico da Gloria (Santiago de Compostela).
Cronoloxía: 1975.
Técnica/materia: madeira, aglomerado, metacrilato e xeso.
Medidas: 203×82,50×162 cm.
Valoración: 25.000 .
3. Doadoras: Ana e Camino Adrio Montoussé.
Obxecto: conxunto formado por un fondo mixto relacionado coa profesión de veterinario/a, composto por instrumental de veterinario/a (33 pezas), fondos bibliográficos (99 exemplares) e fondos documentais (22 documentos) relacionados coa materia.
Cronoloxía: 1940-1978.
Valoración: 4.000 .
4. Doador: Francisco Xavier Álvarez Campos.
Obxecto: máquina estrulladora para o viño. Tracción manual.
Materia: madeira e ferro.
Medidas: 126×98×170 cm.
Valoración: 300 .
5. Doador: José Carlos Rodríguez Villamarín.
-Obxecto: serra mecánica con motor, da tipoloxía de serra de «fita».
Materia: ferro fundido.
Medidas: 240×154×90 cm.
Cronoloxía: mediados do século XX.
Inscricións/lugar de fabricación: «Manuel Malingre/Fundiciones/Orense».
-Obxecto: mordaza de carpinteiro.
Materia: ferro.
Medidas: 62×20×20 cm.
Cronoloxía: século XX.
-Obxecto: ferraxes.
Materia: ferro.
Valoración total: 900 .
6. Doador: José Luis Chao Rey.
-Obxecto: quentador de cama.
Materia: madeira e bronce.
Medidas: 85×21 cm.
Cronoloxía: ca. 1950.
-Obxecto: prensa de encadernación.
Materia: ferro.
Medidas: 37×36×37 cm.
-Obxecto: xoguete de construción de arquitecturas.
Materia: cartón, papel e plástico.
Cronoloxía: ca. 1950.
Valoración: 300 o quentador e a prensa, e 400 o xoguete, en total 700 .
7. Doador: Olimpio Liste Regueiro.
Obxecto: seis moldes para fabricar barras de chocolate. Medida: œ libra.
Materia: estaño con baño de níquel.
Cronoloxía: ca. 1960.
Valoración: 300 .
8. Doador: Benito Hermida Atrio.
-Obxecto: manto. Indumentaria para imaxe relixiosa da Virxe das Dores da igrexa de Santiago en Ribadavia.
Materia: raso de seda negra e sarga de algodón. Doas de vidro.
Medidas: 268×150 cm.
Cronoloxía: finais do século XIX-principios do século XX.
Inscricións/lugar de fabricación: «Blanqueo, tinte y aprestos/de/A.Framis y Cía/San Martín de Provensals» (selo interior).
Valoración: 140 .
-Obxecto: camisa para imaxe relixiosa da Virxe das Dores da igrexa de Santiago en Ribadavia.
Materia: fío de liño branco. Entredous e encaixe.
Medidas: 50 cm de longo.
Cronoloxía: finais do século XIX-principios do século XX.
Inscricións: «VDR» (iniciais bordadas).
Valoración: 60 .
9. Doador: Antonio Graña Graña.
-Obxecto: escultura.
Título: Muller de mar.
Autor: Antonio Graña Graña.
Materia/técnica: madeira entallada de castiñeiro e carballo.
Medidas: 120×32×38,5 cm.
Cronoloxía: 2007.
Valoración: 975 .
-Obxecto: maqueta.
Título: Modelo de traiñeira.
Autor: Antonio Graña Graña.
Materia/técnica: madeira tallada.
Medidas: 71,5×5,5×37 cm.
Cronoloxía: 2008.
Valoración: 150 .
-Obxecto: serra de voltas ou de virar (ferramenta de carpintaría de ribeira).
Materia: madeira, ferro e corda.
Cronoloxía: primeira metade do século XX.
Medidas: 35×79,5 cm.
Valoración: 100 .
10. Doador: Asociación de Amigos do Museo Etnolóxico e do Conxunto Histórico de Ribadavia.
Obxecto: coche de bebé, carricoche.
Materia: madeira, fibra vexetal, plástico, metal.
Cronoloxía: primeira metade do século XX.
Medidas:62×65×83 cm.
Inscricións/fabricación: «Bazar Álvarez/Príncipe 27/Vigo».
Valoración: 60 .
Disposición derradeira
A Consellería de Facenda, a través da Secretaría Xeral e do Patrimonio, levará a cabo todos os trámites necesarios para a efectividade deste decreto.
Santiago de Compostela, doce de novembro de dous mil nove.
Alberto Núñez Feijóo
Presidente
Marta Fernández Currás
Conselleira de Facenda