Examinado o expediente iniciado por Emma María González Álvarez, no cal solicita o cambio de titularidade do centro privado San Pelayo, de Santiago de Compostela, como herdeira do mencionado centro segundo consta en escritura pública notarial, por falecemento da súa nai Emma González Martínez.

Vistos o Decreto 133/1995, do 10 de maio, sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 que o desenvolve.

Considerando que se cumpriron neste expediente os requisitos exixidos pola normativa vixente nesta materia.

Esta consellería, por proposta da Dirección Xeral de Centros e Recursos Humanos,

DISPÓN:

Primeiro.-Autorizar o cambio de titularidade do centro privado San Pelayo, do concello de Santiago de Compostela, código 15015482, a favor de Emma María González Álvarez, con todos os dereitos e obrigas adquiridas pola anterior titular Emma González Martínez.

Este cambio de titularidade non afectará o réxime de funcionamento do centro.

Segundo.-Inscribir esta modificación no Rexistro de Centros dependente desta consellería.

Contra esta orde, que esgota a vía administrativa, os interesados poderán interpoñer recurso potestativo de reposición ante o conselleiro de Educación e Ordenación Universitaria, no prazo dun mes, a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, ante o Tribunal Superior de Xustiza de Galicia.

Santiago de Compostela, 27 de outubro de 2009.

Jesús Vázquez Abad

Conselleiro de Educación e Ordenación Universitaria