De conformidade co disposto na Orde do 19 de febreiro de 2009, da Consellería de Cultura e Deporte, pola que se regula o réxime de concesión de subvencións a entidades sen ánimo de lucro para o desenvolvemento de actividades deportivas no ano 2009 (Diario Oficial de Galicia nº 41, do 27 de febreiro), recibidas as solicitudes na Secretaría Xeral para o Deporte e rematada a fase de revisión da documentación achegada, de comprobación do grao de cumprimento dos requisitos establecidos na orde e da avaliación das solicitudes, esta secretaría xeral
RESOLVE:
Primeiro.-Publicar a lista definitiva de beneficiarios: clubs tipo I, clubs tipo II, clubs tipo III e agrupacións deportivas escolares, ordenada por provincias e polo número do CIF (anexos I e II).
Segundo.-Estas listas expóñense tamén na páxina web www.deportegalego.eu.
Terceiro.-Esta resolución esgota a vía administrativa e contra ela pode interpoñerse recurso potestativo de reposición, ante o mesmo órgano que ditou esta resolución, no prazo dun mes contado a partir do día seguinte ao desta notificación, de conformidade co disposto na Lei 30/1992, do 26 de novembro, de réxime xurídico das administracións públicas e do procedemento administrativo común, ou recurso contencioso-administrativo, ante o Tribunal Superior de Xustiza de Galicia, no prazo de dous meses contados a partir do día seguinte ao da notificación desta resolución, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 29 de outubro de 2009.
José Ramón Lete Lasa
Secretario xeral para o Deporte
Ver referencia pdf "22500D001P006.PDF"