Mediante Resolución do 5 de febreiro de 2009 (DOG nº 31, do 13 de febreiro) procedeuse á convocatoria de varias liñas de axuda do Igape, entre outras, a liña de axudas a proxectos de deseño (procedemento IG109), cun crédito dispoñible para concesións de 500.000 euros no orzamento de 2009.

Tendo en conta o volume de solicitudes recibidas e tratando de dar resposta á ampla demanda de axuda e na procura da efectividade desta liña, semella oportuno incrementar o importe aprobado para as axudas a proxectos de deseño (procedemento IG109 -artigo 5).

Na súa virtude e de conformidade coas facultades que teño conferidas,

RESOLVO:

Único.-Ampliar en 900.000 euros o crédito dispoñible para o exercicio 2009 para as axudas a proxectos de deseño, ao abeiro da base reguladora das axudas a proxectos de consultoría e asistencia técnica nas pemes (procedemento IG109-artigo 5), con cargo á partida orzamentaria 02.02.E4/10/02-656 dos orzamentos do Igape.

Con esta ampliación a suma total do crédito dispoñible para o exercicio 2009 é de 1.400.000 euros.

Santiago de Compostela, 13 de outubro de 2009.

Joaquín Varela de Limia de Cominges

Director xeral do Instituto Galego de Promoción Económica