Pola Orde do 6 de agosto de 2009 reguláronse e convocáronse subvencións de apoio á viabilidade das explotacións leiteiras galegas (Diario Oficial de Galicia nº 156, do 11 de agosto de 2009).

No artigo 15 da orde, relativo ao financiamento destas axudas, detállase a aplicación orzamentaria o importe económico previsto para elas, e que a dita cantidade pode ser incrementada con fondos adicionais procedentes desta ou doutras administracións.

En consecuencia, de acordo co disposto no artigo 30.1º.3 do Estatuto de autonomía de Galicia e facendo uso das facultades que me confire o artigo 14 da Lei 9/2007, do 13 de xuño, de subvencións de Galicia, así como en uso das competencias que me confire a Lei 1/1983, do 22 de febreiro, de normas reguladoras da Xunta e da súa Presidencia,

DISPOÑO:

Artigo único

Primeiro.-Amplíase a dotación orzamentaria que se recolle na orde desta consellería do 6 de agosto de 2009 (Diario Oficial de Galicia nº 156, do 11 de agosto) pola que se regulan e convocan as subvencións de apoio á viabilidade das explotacións leiteiras galegas, nun total de oitocentos trinta e un mil cento trinta e catro euros con cincuenta e catro céntimos (831.134,54 euros), na aplicación orzamentaria 49.02.712B.772.0 dos orzamentos xerais da Comunidade Autónoma de Galicia.

Disposición transitoria

Única.-A ampliación orzamentaria prevista no artigo único desta orde non afecta o prazo de presentación de solicitudes establecido na Orde do 6 de agosto de 2009.

Disposición derradeira

Única.-Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 14 de outubro de 2009.

Samuel Jesús Juárez Casado

Conselleiro do Medio Rural