De conformidade co establecido na base 7ª do anexo I da orde da Consellería de Cultura e Turismo do 31 de xullo de 2009, pola que se convocan exames para a habilitación de guías de turismo especializados de Galicia, publicada no Diario Oficial de Galicia nº 152, do 5 de agosto, esta consellería
RESOLVE:
Aprobar as listas definitivas de admitidos/as e excluidos/as aos exames para a habilitación de guías de turismo especializados de Galicia.
A lista definitiva de aspirantes excluídos/as figura publicada como anexo a esta resolución.
A lista definitiva de aspirantes admitidos/as estará exposta nos taboleiros de anuncios da Consellería de Cultura e Turismo, no da Secretaría Xeral para o Turismo, nos das xefaturas territoriais da Consellería de Cultura e Turismo e na páxina web da Consellería de Cultura e Turismo.
Así mesmo, segundo o establecido na base 3ª 1.b) do anexo I da orde da Consellería de Cultura e Turismo do 31 de xullo de 2009, os/as aspirantes excluídos/as disporán dun prazo dun mes contado a partir do día seguinte ao da publicación desta resolución no Diario Oficial de Galicia, para solicitar a devolución dos dereitos de exame aboados, debendo consignar o nome e apelidos, NIF, o número de conta, entidade bancaria e a localidade desta.
Contra esta resolución poderase interpoñer recurso potestativo de reposición perante o conselleiro de Cultura e Turismo no prazo dun mes contado desde o día seguinte ao da súa publicación no Diario Oficial de Galicia de conformidade co establecido na Lei 30/1992, do 26 de novembro, ou poderase interpoñer directamente recurso contencionso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde a mesma data, de conformidade co disposto no artigo 8 da Lei 29/1998, do 13 de xullo, en relación co artigo 14.2º do mesmo texto legal.
Santiago de Compostela, 28 de setembro de 2009.
Roberto Varela Fariña
Conselleiro de Cultura e Turismo
Ver referencia pdf "20400D003P009.PDF"