A aprobación da modificación da relación de postos de traballo da Consellería de Traballo e Benestar xustifícase polas necesidades organizativas e funcionais da consellería.
En consecuencia, por proposta da Consellería de Traballo e Benestar, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia na súa reunión do día un de outubro de dous mil nove, adoptou o seguinte
ACORDO:
Primeiro.-Apróbase a modificación da relación de postos de traballo da Consellería de Traballo e Benestar nos termos seguintes:
-A modificación presentada é unha modificación parcial. O Decreto 335/2009, do 11 de xuño, establece a estrutura orgánica da Consellería de Traballo e Benestar. A nova consellería asume as competencias que tiña con anterioridade a extinta Vicepresidencia da Igualdade e do Benestar e a extinta Consellería de Traballo, polo que cómpre realizar certos reaxustes na súa relación de postos de traballo que afectan fundamentalmente aos seguintes aspectos:
a) Cambio de denominación de postos de traballo.
b) A ampliación da cobertura por máis categorías profesionais de determinados postos de traballo.
c) A adscrición a outros corpos ou escalas ou ben, o cambio de adscrición dos postos a outra Administración.
Segundo.-Ordénase a súa publicación da mesma no Diario Oficial de Galicia para os efectos da súa entrada en vigor a partir do día seguinte ao da súa publicación.
Visto o acordo adoptado polo Consello da Xunta de Galicia na súa reunión do un de outubro de dous mil nove, relativo á aprobación da modificación da relación de postos de traballo da Consellería de Traballo e Benestar, coa finalidade de cumprir o dito acordo dispoño que se publique no Diario Oficial de Galicia como anexo a esta resolución.
Santiago de Compostela, 2 de outubro de 2009.
Marta Fernández Currás
Conselleira de Facenda
Ver referencia pdf "20200D001P008.PDF"