Advertidos erros na citada orde publicada no Diario Oficial de Galicia número 166, do martes 25 de agosto de 2009, é necesario efectuar as seguintes modificacións:

Na páxina 13.924, artigo 6º, Renda per cápita familiar, punto 4, é preciso engadir o seguinte texto ao final deste punto: «Os membros da unidade familiar que presentasen declaración do imposto sobre a renda en 2008, para os efectos do cálculo da renda familiar sumarán as casas 455 (base impoñible xeral) e 465 (base impoñible do aforro) da declaración».

Na páxina 13.927, artigo 15º, Pagamento das bolsas, é preciso engadir o seguinte texto ao final do primeiro parágrafo: «Os pagamentos tamén se poderán realizar directamente desde a consellería mediante transferencia bancaria».