Advertidos os erros no anexo II de ficheiros modificados na devandita orde, publicada no DOG nº 80, o día 27 de abril de 2009, cómpre engadir as seguintes correccións:

-No anexo II de ficheiros modificados, dentro do cadro de características do ficheiro «Persoal non docente», débese engadir unha fila de «Tipos de datos de carácter persoal: categorías de datos» con valor «Datos de carácter identificativo: nome e apelidos, DNI/NIF, enderezo, Nº Seguridade Social, teléfono, Nº rexistro persoal, sinatura ou pegadas. Non se inclúen datos de infraccións administrativas nin penais» e tamén é necesario engadir unha fila «Nivel do ficheiro» con valor «Básico».

-No anexo II de ficheiros modificados, dentro do cadro de características do ficheiro Actividades de formación, débese engadir unha fila de «Tipos de datos de carácter persoal: categorías de datos» con valor «Datos de carácter identificativo: nome e apelidos, DNI/NIF, enderezo, teléfono, Nº de conta bancaria» e tamén débese engadir unha fila «Nivel do ficheiro» con valor «Básico».