A organización da Administración periférica da Comunidade Autónoma de Galicia tiña o seu apoio na figura dos delegados e delegadas provincias das distintas consellerías. Mediante o decreto polo que se fixan as novas estruturas orgánicas desaparecen as delegacións provinciais e territoriais existentes, que son substituídas pola nova figura das delegacións territoriais.
Así mesmo, de acordo cos criterios de eficacia, austeridade e economía que deben inspirar a actuación e a organización administrativa prodúcese unha redución nas secretarías, direccións xerais e órganos de igual categoría con respecto á situación anterior.
Como consecuencia do anterior, faise necesaria a amortización de determinados postos de traballo, relacionados no anexo a este acordo.
En consecuencia, por proposta da Consellería de Facenda, consultadas as organizacións sindicais presentes na Mesa Sectorial de funcionarios da Comunidade Autónoma e a Comisión de Persoal, o Consello da Xunta de Galicia, na súa reunión do día vinte e sete de agosto de dous mil nove, adoptou o seguinte
ACORDO:
Primeiro.-Aprobar a amortización dos postos de traballo de secretarias e secretarios de altos cargos que se indican no anexo a este acordo.
Segundo.-Ordenar a súa publicación no Diario Oficial de Galicia para os efectos da súa entrada en vigor a partir do día seguinte ao da súa publicación.
Visto o acordo adoptado polo Consello da Xunta de Galicia, na súa reunión do vinte e sete de agosto de dous mil nove, relativo á amortización dos postos de traballo de secretarias e secretarios de altos cargos que se indican no anexo a este acordo, dispoño que se publique no Diario Oficial de Galicia como anexo a esta resolución.
Santiago de Compostela, 28 de agosto de 2009.
Marta Fernández Currás
Conselleira de Facenda
Ver referencia pdf "17900D003P007.PDF"
Ver referencia pdf "17900D003P007.PDF"