De conformidade co establecido no artigo 11 da orde desta consellería do 27 de maio de 2009 (DOG do 10 de xuño) pola que se convocaban licenzas por estudos para o curso 2009-2010 destinadas a funcionarios docentes non universitarios, esta consellería

DISPÓN:

Primeiro.-Adxudicarlles as licenzas por estudos aos profesores que se relacionan no anexo desta orde.

Segundo.-O período improrrogable de duración das licenzas dun curso completo -modalidades 1, 2 e 3- será, como máximo, do 1 de setembro de 2009 ao 31 de agosto de 2010 para o profesorado de educación infantil e de educación primaria, e desde o 15 de setembro de 2009 ao 14 de setembro de 2010 para o profesorado de ensino secundario e de ensinanzas de réxime especial.

Nas licenzas cuadrimestrais das modalidades 4, 5 e 6 a duración dos cuadrimestres establécese do seguinte xeito:

1. Para o profesorado de educación infantil e de educación primaria:

-Primeiro cuadrimestre, do 1 de setembro de 2009 ao 31 de decembro de 2009.

-Segundo cuadrimestre, do 1 de marzo de 2010 ao 30 de xuño de 2010.

2. Para o profesorado que imparte docencia no ensino secundario e nas ensinanzas de réxime especial:

-Primeiro cuadrimestre, do 15 de setembro de 2009 ao 14 de xaneiro de 2010.

-Segundo cuadrimestre, do 1 de marzo de 2010 ao 30 de xuño de 2010.

Por último, nas modalidades 0 -sen retribución- e 7, dentro do período que abrangue o curso académico, os beneficiarios poden escoller o período de desfrute da licenza de acordo coa duración establecida na orde de convocatoria.

Terceiro.-O profesorado a quen se lle concede licenza por estudos queda obrigado ao cumprimento do exposto no artigo 13º da orde da convocatoria, obrigas dos beneficiarios, e a respectar o recollido no artigo 15º, incompatibilidades; non cumprir o anteriormente exposto dará lugar á activación do contido do artigo 16º da orde de convocatoria, responsabilidades por incumprimento.

Cuarto.-Contra esta resolución os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo, no prazo de dous meses, ante a Sala do Contencioso-Administrativo do Tribunal Superior de Xustiza de Galicia, de conformidade coa Lei 29/1998, reguladora da xurisdición contencioso-administrativa.

Santiago de Compostela, 28 de xullo de 2009.

Jesús Vázquez Abad

Conselleiro de Educación e Ordenación Universitaria

Ver referencia pdf "16500D001P005.PDF"