Por Orde do 18 de febreiro de 2005 creouse a Comisión Asesora do Plan galego de preparación e resposta á pandemia de gripe. O artigo 5 prevía a posibilidade de constituír os grupos de traballo específicos que considerase necesarios para o estudo e formulación das propostas que deberá de coñecer e estudar a comisión, antes da emisión do seu informe.

A Orde do 29 de xuño de 2009 creou un grupo de traballo denominado Comité Científico do Plan galego de preparación e resposta á pandemia de gripe (PGPRPG), baixo a coordinación da Dirección Xeral de Saúde Pública e Planificación, e coas funcións determinadas no artigo 2 da orde citada.

De conformidade co artigo 3 da ndita orde, o comité estará composto por entre seis e dez profesionais da comunidade autónoma, con demostrada experiencia en aspectos relacionados coa epidemioloxía, co manexo, diagnóstico, tratamento e seguimento de enfermidades transmisibles producidas por virus. A composición terá en conta a diversidade de disciplinas que require a análise e a xestión deste tipo de situacións.

O artigo 4 da citada Orde do 29 de xuño de 2009, determinaba que os membros do comité serán nomeados e cesados por acordo da conselleira de Sanidade, por proposta da Dirección Xeral de Saúde Pública e Planificación. O nomeamento farase por un período máximo de tres anos contado desde a súa data.

Con data do 16 de xullo de 2009, a directora xeral de Saúde Pública e Planificación, realizou a proposta de nomeamento de membros, de conformidade co previsto no artigo 4 da Orde do 29 de xuño de 2009.

En consecuencia, conforme as facultades que me confiren os artigos 34.6º e 38 da Lei 1/1983, do 22 de febreiro, reguladora da Xunta e da súa Presidencia, reformada pola Lei 11/1988, do 22 de outubro, en relación co artigo 4 da Orde do 29 de xuño de 2009,

DISPOÑO:

Artigo único.-Nomear as persoas indicadas no anexo da presente orde, como membros do Comité Científico do Plan galego de preparación e resposta á pandemia de gripe, así como ao secretario de actas do mesmo comité.

Disposición derradeira

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 20 de xullo de 2009.

María del Pilar Farjas Abadía

Conselleira de Sanidade

ANEXO

Relación de membros do Comité Científico do Plan galego de preparación e resposta á pandemia de gripe

-Julio Torres Piñón (departamento de Microbioloxía Hospital Meixoeiro/Complexo Hospitalario Universitario de Vigo).

-Juan García Costa (departamento de Microbioloxía Hospital Sta. María Nai/Complexo Hospitalario de Ourense).

-Pedro Llinares Mondéjar (departamento de Medicina Interna-Infecciosos/Complexo Hospitalario Universitario A Coruña).

-Héctor Verea Hernando (departamento de Neumoloxía/Complexo Hospitalario Universitario A Coruña).

-Luis Pérez de Llano (departamento de Neumoloxía/Complexo Hospitalario Xeral-Calde).

-Francisco Luis Vázquez Vizoso (departamento de Medicina Preventiva Hospital de Montecelo/Complexo Hospitalario de Pontevedra).

-Carlos Máiz Cal (Xerencia de Atención Primaria de Santiago).

-Juan Gestal Otero (departamento de Medicina Preventiva da Universidade de Santiago de Compostela).

-José Carlos Villar Chao (departamento de Medicina Intensiva/Complexo Hospitalario de Ourense).

-Jesús Javier Orejas Fernández (Servizo de Monogástricos da Dirección Xeral de Produción Agropecuaria).

Actuará como secretario de actas do Comité, Alberto Malvar Pintos (Servizo de Epidemioloxía /Dirección Xeral de Saúde Pública e Planificación).