O artigo 164 dos estatutos da Universidade de Vigo recolle a composición mínima das mesas de contratación sinalando o xerente como integrante dela.
O volume de actividade administrativa desenvolvida pola xerente e razóns de eficacia e axilidade na xestión fan aconsellable trasladar o exercicio desta competencia a prol de quen asume de xeito máis directo a xestión da materia cuxo obxecto se delega.
Polo antedito, de conformidade co disposto no artigo 13 da Lei 30/1992, do 26 de novembro, de réxime xurídico das administracións públicas e do procedemento administrativo común, acorda ditar a seguinte resolución:
1. Delegar no vicexerente de Xestión Económica e Servizos Xerais a asistencia ás mesas de contratación.
2. Non pode ser obxecto de delegación a competencia que se delega nesta resolución, e en todo momento a xerente pode avocala para si.
3. Esta resolución terá efectos a partir do día seguinte ao da súa publicación no Diario Oficial de Galicia.
Vigo, 1 de xullo de 2009.
Ana Fernández Pulpeiro
Xerente da Universidade de Vigo