Vista a proposta do director xeral de Promoción e Difusión da Cultura, en conformidade co establecido no artigo 38 do Decreto 41/2001, do 1 de febreiro, de refundición da normativa en materia de bibliotecas,
RESOLVO:
Primeiro.-Integrar na Rede de Bibliotecas de Galicia os centros bibliotecarios relacionados no anexo, comezando pola Biblioteca Pública Municipal Rosalía de Castro (Arzúa, A Coruña) e rematando pola Biblioteca Municipal Os Rosais (A Coruña).
Segundo.-A resolución favorable de integración estará condicionada á sinatura dun convenio onde se recolla a obriga por parte do centro bibliotecario de prestar un servizo público que deberá axustarse ao estipulado no Decreto 41/2001, do 1 de febreiro, e que poderá responder nos restantes termos ás especiais características de cada tipo de centros.
Terceiro.-O prazo de sinatura deste convenio non deberá ser superior aos tres meses. De non cumprirse este prazo, deixarase sen efecto a posible resolución favorable e suporá o arquivo definitivo da solicitude.
Cuarto.-O posterior incumprimento do devandito convenio poderá ser motivo de exclusión temporal ou definitiva do centro bibliotecario de que se trate da Rede de Bibliotecas de Galicia.
Santiago de Compostela, 2 de xuño de 2009.
Roberto Varela Fariña
Conselleiro de Cultura e Turismo
ANEXO
Biblioteca Pública Municipal Rosalía de Castro (Arzúa, A Coruña).
Biblioteca Pública Municipal de Portomarín (Lugo).
Biblioteca Pública Municipal de Carballedo (Lugo).
Biblioteca da Fundación Luís Tilve (Santiago de Compostela, A Coruña).
Biblioteca Pública de Salceda de Caselas (Pontevedra).
Biblioteca Municipal Os Rosais (A Coruña).