No artigo 5.2º b) do Decreto 326/1996, do 26 de xullo, de regulamentación do Centro Galego de Arte Contemporánea, establécese que o Padroado do CGAC será o seu órgano reitor colexiado, indicando a composición dos seus membros, e que lle corresponde ao conselleiro de Cultura e Turismo o nomeamento dos vogais por designación entre persoas de recoñecido prestixio ou competencia en asuntos relacionados coa cultura e as artes plásticas ou que se distinguiron polos servizos ou axudas ao Centro Galego de Arte Contemporánea.
Conforme as facultades conferidas na disposición derradeira primeira do citado decreto,
DISPOÑO:
O nomeamento de Ramón Villares Paz como vogal do Padroado do Centro Galego de Arte Contemporánea.
Santiago de Compostela, 16 de xuño de 2009.
Roberto Varela Fariña
Conselleiro de Cultura e Turismo