A Lei 27/1992, do 24 de novembro, de portos do Estado e da mariña mercante, texto reformado pola Lei 62/1997, do 26 de decembro, atribúelles ás comunidades autónomas as facultades de designación e separación dos vogais dos consellos de administración das autoridades portuarias de interese do Estado situadas no seu territorio.
O acordo do Consello da Xunta de Galicia do 10 de xaneiro de 2002, modificado polo do 6 de xuño de 2002, faculta o titular da consellería competente en materia de portos para o exercicio das devanditas competencias.
Conforme o previsto no artigo 40 da Lei 27/1992, do 24 de novembro, de portos do Estado e da mariña mercante, texto reformado pola Lei 62/1997, do 26 de decembro, a designación e separación dos vogais dos consellos de administración deberán facerse necesariamente por proposta das administracións públicas e entidades e organismos representados no consello de administración, polo que, ao abeiro do disposto no artigo 40 da Lei 27/1992, e en canto órgano competente,
DISPOÑO:
O cesamento como vogais do Consello de Administración da Autoridade Portuaria da Coruña dos seguintes:
Ramón Saúl Lueje Espina.
José Luis Méndez López.
Luis Vázquez Rodríguez.
Jacinto Parga Fernández.
Gumersindo Guinarte Cabada.
Juan Salvador Fernández Moreda.
Antonio García Elorriaga.
José Manuel López Rodríguez.
Jesús Etchevers Durán.
Agradécenselles a todos eles os servizos prestados.
Santiago de Compostela, 24 de xuño de 2009.
Rosa María Quintana Carballo
Conselleira do Mar
b) NOMEAMENTOS CONSELLERÍA DE PRESIDENCIA, ADMINISTRACIÓNS PÚBLICAS
E XUSTIZA